काठमाण्डौ,१७ भदौ । हिजो बढेको शेयर बजार मङगलबार दोहोरो अङ्कले घटेको छ । शेयर बजार परिसूचक नेप्से मङगलबार १९ दशमलव ८९ अङ्कले घटेर २ हजार ७ सय ४१ दशमलव ९७ विन्दुमा झरेको छ ।
मङगलबार सबै समूहको शेयर घटेकोमा व्यापार समूहको शेयर झन्डै २ प्रतिशतले ओरालो लागेको हो । मङगलबार २ सय २१ वटा कम्पनीको शेयर घटेकोमा २९ वटाको बढेको छ ।
मङगलबार उन्नति सहकार्य लघुवित्त र दोर्दीखोला जलविद्युत् कम्पनीको शेयर ७ प्रतिशतभन्दा धेरैले घटेको छ । बजार घटेको दिन हिम स्टार ऊर्जा कम्पनीको शेयर भने १० प्रतिशतले बढेको छ ।
मङगलबार नेप्सेसँगै कारोबार रकम पनि घटेको छ । हिजो ५ अर्ब १० करोडको कारोबार भएकोमा मङगलबार ३ सय २३ वटा कम्पनीका १ करोड ५ लाख कित्ता शेयर ४ अर्ब ४३ करोड रुपैयाँमा किनबेच भएको छ ।
