दमक, २३ भदौ । दमकमा आइतबार भएको Gen Z समूहको आन्दोलन झडपमा परिणत भएपछि जिल्ला प्रशासन कार्यालय झापाले कर्फ्यु आदेश जारी गरेको छ।
प्रमुख जिल्ला अधिकारी गोपालकुमार अधिकारीले हस्ताक्षर गरेको आदेश अनुसार २०८२ भदौ २३ गते राति १० बजेदेखि २०८२ भदौ २४ गते बिहान ५ बजेसम्म दमक नगरपालिकाको चार किल्लाभित्र सभा, जुलुस, प्रदर्शन, भीडभाड र धर्ना गर्न पूर्ण रूपमा निषेध गरिएको छ।
आदेशअनुसार कर्फ्यु क्षेत्र यसप्रकार छन्
पूर्वमा : रमाइलो चौतारा
पश्चिममा : शिबु रोड
उत्तरमा : फलाङन्दन्द चोक
दक्षिणमा : पूर्व–पश्चिम राजमार्ग (एटेरियम हाइवे) बाट ३ किलोमिटर दक्षिणसम्म
किन जारी गरियो आदेश ?
आन्दोलनकारी र प्रहरीबीच भएको झडपमा दुवै पक्षका थुप्रै घाइते भएपछि स्थिति नियन्त्रणमा लिन कर्फ्यु लगाइएको प्रशासनले जनाएको छ। कर्फ्यु अवधिमा मानिसलाई भीडभाड गर्न, टोलि बनाएर हिँड्न, सभा–जुलुस गर्न, सडकमा विरोध प्रदर्शन गर्न कडाईका साथ निषेध गरिएको छ।
