काठमाण्डौ,२७ भदौ । ’जेन–जी’ प्रदर्शनका क्रममा ज्यान गुमाउनेको सङ्ख्या अहिलेसम्म ५१ जना पुगेको छ । काठमाण्डौसहित विभिन्न जिल्लामा गरी ज्यान गुमाउनेको सङ्ख्या ५१ पुगेको प्रहरीको तथ्याङ्कले जनाएको छ ।
ज्यान गुमाउनेमा युवासहित, ३ जना प्रहरी र एक भारतीय महिला रहेका नेपाल प्रहरीले बताएको छ । तीमध्ये ३६ जनाको शव त्रिवि शिक्षण अस्पताल महाराजगञ्जमा राखीएको छ । महाराजगञ्जमा रहेकाहरूको पोस्टमार्टम गर्न सुरु गरिएकोे छ ।
शुक्रबार चार जना युवाको पशुपति आर्यघाटमा अन्त्येष्टि गरिएको छ । त्रिवि शिक्षण अस्पतालमा पोस्टमार्टम पछि अभिभावकले पशुपति आर्यघाट लगेर अन्त्येष्टि गरेका छन् ।
