झापा,२७ भदौ । बिर्तामोडमा घाइते भएका अर्का प्रदर्शनकारीको पनि मृत्यु भएको छ । मृत्यु हुनेमा अर्जुनधारा ८ हात्तीकिल्लाका ३२ वर्षीय दिनेश राजवंशी रहेको प्रहरीले जनाएको छ ।
बीएण्डसी अस्पतालमा उपचाररत उनको शुक्रबार बिहान ११.३५ बजे मृत्यु भएको परिवारजनले बताएका छन् । प्रहरी र प्रदर्शनकारीबीचको झडपपश्चात् प्रदर्शनकारीहरुले जिल्ला ट्राफिक प्रहरी कार्यालयलाई कब्जा लिई आगजनी गर्ने क्रममा कार्यालयभित्र रहेको ग्यास सिलिन्डर बिष्फोट भई राजवंशी घाइते भएका थिए ।
उनको पेट लगायत शरीरका विभिन्न भागमा चोट लागेको थियो । यसअघि जिल्ला ट्राफिक प्रहरी कार्यालय बिर्तामोड अगाडि भएको झडपमा हिलिहाङ–२ पाँचथर घर भई बिर्तामोड १० मा बस्दै आएका अन्दाजी ३५ वर्षका कमल भण्डारी र अर्जुनधारा ८ निवासी २८ वर्षका गोपाल सेढाईको मृत्यु भएको प्रहरीले जनाएको छ ।
