दमक, ६ असोज। गत भदौ २३ र २४ गते देशभरका जेन्जी युवाहरुले विभिन्न माग राख्दै आन्दोलनमा उत्रिएका थिए । उनीहरुको मुख्य उद्धेश्य भनेको देशबाट भ्रष्टाचार हटाउनु र भ्रष्टचार गर्ने दल र सरकारलाई हटाई नयाँ दल गठन गर्नु थियो भने अरु विभिन्न उद्धेश्यहरु पनि थिए । जेन्जीको आन्दोलबाट नयाँ आन्तरिम सरकार पनि गठन भयो । आन्दोलनमा लगभग ७४ जनाले ज्यान गुमाए भने २००० भन्दा बढि अझै घाईते नै छन् । जेनजीको बलीदान शुशीला कार्की नेतृत्वको सरकार बनाउनु मात्रै हो वा अरु के गरिन पर्छ ? झापामा विद्यार्थी नेताहरु के भन्छ्न ?
सरकारसँग यो पटक जेन्जीहरुले धेरै अपेक्षा राखेका छन् । र यो भन्दा पहिला भएका आन्दोलनहरु जस्तो जेन्जीको आन्दोलन नबनोस् र पहिलाको जस्तो भ्रष्टचार देशमा नहोस् भन्ने खास चाहना उनीहरुको छ । , जेन्जीहरुले चाहेजस्तोे देशमा सुशासन कायम रहोस् भन्नुहुन्छ अनेरास्वीयू दमक नगर कमिटीका अध्यक्ष निश्चल दाहाल । उहाँका अनुसार संविधान संशोधन गरि प्रदेश र संघ दुबै तर्फकै समानुपातिक सांसद छान्ने परिपाटी हटाउनुपर्छ ।
त्यस्तै अबको संविधान संशोधनमा कार्यकारी प्रमुख चाहिँ जनताद्धारा निर्वाचित गरेर मात्र बनाउनुपर्छ र पहिला पहिला भ्रष्टचार गर्नेहरुको पनि छानबिन गर्ने गरिको संविधान बन्नुपर्ने बताउनुहुन्छ अनेरास्वीयू क्रान्तीकारी दमकका अध्यक्ष पर्वत सुवेदी बताउनु हुन्छ ।
अबको सरकारले जेन्जीहरुको बलिदानलाई सम्मान गर्दै उनीहरुको भावनालाई समेट्ने गरिको काम गर्न र परिणाम दिन सक्नु पर्छ । जसका लागी सबैभन्दा महत्वपूर्ण पक्ष फागुन २१ मँ तोकीएको चुनाव गराउन सक्ने क्षमता राख्नु पर्छ । चुनाव पछि आउने जनादेशले जेन जी आन्दोलनको मुुद्धा र नागरिकका आधाभूत आवश्यकता पुरा गर्न लाग्नु पर्ने देखिन्छ ।
