काठमाण्डौं,६ असोज । सेतो दौरा सुरुवाल । कालो कोट र कालै टोपी ।घाँटीमा भिर्ने भएको पावरवाला चस्मा । हातमा सपथको कागज । सँधै सामान्य भन्दा पनि सामान्य पोषाक तथा अवस्थामा देखिने र भेटिने नेपाली बैज्ञानीक महाविर पुन सोमबार चीटिक्क पोषाकमा देखिनु भयो । त्यो पनि नेपाली राष्ट्रिय पोषाकमा । अनी उहाको आजको यो उपस्थिती हो शिक्षा बिज्ञान तथा प्रविधि मन्त्रालयको मन्त्रीको जिम्मेवारी पाएको खुसीको दिन । यो भव्य कार्यक्रममा उहाँको भव्य उपस्थिती ।
उहाँ सहित नवनियुक्त ४ मन्त्रीले पद तथा गोपनीयताको शपथ लिनुभयो । राष्ट्रपति भवन शीतल निवासमा आयोतिज कार्यक्रममा उहाँहरुलाई राष्ट्रपति रामचन्द्र पौडेलले शपथ खुवाउनु भयो ।
मन्त्रीको शपथ खानेहरूमा सर्वोच्च अदालतका पूर्वन्यायाधीश अनिलकुमार सिन्हालाई उद्योग, वाणिज्य तथा आपुर्ति, कानुन, न्याय तथा संसदीय मामिला र भूमि व्यवस्था तथा गरिबी निवारण मन्त्री,
वैज्ञानिक महावीर पुनलाई शिक्षा, विज्ञान तथा प्रविधि मन्त्री, , राज्य पुनर्संरचना आयोगका पूर्वसंयोजक मदन परियारलाई कृषि तथा सहकारी र पत्रकार जगदीश खरेललाई सञ्चार, सूचना तथा प्रविधि मन्त्रीको रुपमा शपथ खुवाइएको हो ।
