दमक,७ असोज । नेपालीहरुको महान चाड दशैँ आउँदा घरलाई चिटिक्क पारेर सजाउने र घरको लागी नयाँ नयाँ सामान किन्ने त चलन नै छ । त्यही भएर दशैँ आउन लाग्यो भन्ने बित्तिकै मानिसहरु नयाँ फर्निचरहरु किन्न तिर पनि लागी हाल्छन् । दशैँ आउन लाग्दा फर्निचरको माग उच्च हुने गरेकोले फर्निचरहरुको व्यवसाय गर्ने पसलहरुमा यति बेला भिड हुने गर्छ । यो समय फर्निचर बेच्नेहरुको लागी पनि राम्रो अवसरको रुपमा लिन सक्छन् ।
दमकमा रहेका हरेक फर्निचर पसलहरुमा ग्राहकहरुको भिड लागेको थियो । फर्निचर वयवसाय गर्नेहरु पनि आफ्नो उपभोक्तालाई सामान देखाउँनमा व्यस्त देखिन्थे । वर्षमा एकचोटी आउने चाड हो दशैँ । घरभरी पाउनाहरु आउने गर्छन् । यस्तोमा आफ्नो घर राम्रोसँग सजावट गर्नका लागी भनेर आफूले फर्निचरहरु अर्डर गरी लिन आएको बताउनुहुन्छ दमक ९ का डोर बहादुर दियाली ।
पहिलाको भन्दा यो वर्ष निकै राम्रो व्यापार भईरहेको छ ।तर, यो जेन्जी आन्दोलनका लागी धेरै दिन सम्म पसल बन्द हुदाँ आफूले व्यापार गर्नको लागी थोरै समय पाए जस्तो लागेको बताउनुहुन्छ दमक ६ फर्निचर लाईनमा रहेको रोयल फर्निसिङका सञ्चालक गोपाल भण्डारी । देशमा यस्तो परिस्थीती आएकाले आफूले व्यापार गर्न पाउने हो कि हैन भन्ने डरले दशैँका लागी धेरै सामान तयार नगरेको र अबको केही दिनमा दशैँ आउन लागेकाले अहिले अर्डर लिएर सामान बनाउन समेत गाह्रो भएको उहाँको भनाई छ ।
दशैँको चहलपहल त देखि रहेको छ तर, पहिला पहिलाको वर्षमा जस्तो यो वर्ष खासै चहलपहल चाहिँ नभएको अर्का फर्निचर व्यवसायी सुभम अग्रवालको भनाई छ । आफूले विगत लामो समयदेखी यो पसल सञ्चालन गरेकोले आफ्ना पुराना ग्राहकहरु भने निरन्तर आईरहनु भएको र अलिअलि व्यापार भईरहेको दमकमा सत्यम इम्पेरियम सन्चालन गरिरहनु भएका अग्रवालको अनुभव छ ।
जेन्जी आन्दोलनका कारण सबै क्षेत्रका व्यपारमानै असर पुर्याएको छ । यो पटक देखाउने गरि हैन सँस्कृती जोगाउने गरि दशै मनाउन अपिल समेत गरिएको छ ।
