काठमाडौँ,१० असोज । भौतिक पूर्वाधार तथा यातायात मन्त्रालयले सेवाग्राहीलाई ढिलासुस्ती, मोलमोलाहिजा, काम पन्छाउने, घुस–रिसवत माग्ने, अनावश्यक दुःख दिने तथा अमर्यादित व्यवहार गर्ने जस्ता कार्यबारे गुनासो पेस गर्न सक्ने व्यवस्था गर्नु भएको छ ।
मन्त्रालयले बिहीबार सूचना जारी गर्दै मन्त्रालय मातहतका विभाग, आयोजना तथा कार्यालयहरूमा हुने यस्ता गतिविधिबारे सेवाग्राहीले इमेल र टेलिफोनमार्फत गुनासो गर्न सक्ने बताएको छ।
सूचना अनुसार, सेवाग्राहीले गुनासो वा सुझाव इमेलमा पठाउन सक्नेछन् । साथै, थप जानकारी वा प्रत्यक्ष सम्पर्क आवश्यक परेमा ०१–४२११९४५ नम्बरमा सम्पर्क राख्न सकिने छन् ।
मन्त्रालयले सो व्यवस्था मार्फत सेवा प्रवाहमा पारदर्शिता, जवाफदेहिता र मर्यादित व्यवहारलाई सुनिश्चित गर्न खोजिएको बताएको छ ।
