काठमाडौँ,११ असोज । एसईई पूरक परीक्षाको नतिजा सार्वजनिक भएको बोर्डले जनाएको छ । राष्ट्रिय परीक्षा बोर्डले शनिबार प्रकाशित गरेको नतिजा अनुसार ८३ हजार ५६४ परीक्षार्थीहरु उत्तीर्ण भएका छन् ।
परीक्षामा सहभागी भएका १ लाख ४३ हजार २५७ परीक्षार्थीहरु मध्ये ५९ हजार ६९३ जना अनुत्तीर्ण अर्थात् अवर्गीकृत भएको बोर्डका अध्यक्ष डा. महाश्रम शर्माले जानकारी दिनु भयो ।
परीक्षा साउन २९ देखि भदौ ६ गतेसम्म सञ्चालन भएको थियो । गत वैशाखमा सञ्चालित वार्षिक परीक्षामा दुई विषयसम्म ‘नअन ग्रेडेड’प्राप्त गरेका वा अनुपस्थित भएका विद्यार्थीहरूका लागि बोर्डले पूरक परीक्षाको अवसर दिएको थियो।
