काठमाण्डौ ,१२ असोज। नेपाल विद्युत प्राधिकरणले डेडिकेटेड फिडर र ट्रङ्कलाइनमार्फत विद्युत् उपभोग गरेका तर अहिलेसम्म भुक्तानी नगरेका उद्योगीलाई बक्यौता बुझाउन आउँदो कात्तिक १७ सम्मको समय दिएको प्राधिकरणले जनाएको छ । २०७२ साल माघदेखि २०७५ वैशाखसम्मको बक्यौता विद्युत् महशुल भुक्तानी गर्न प्राधिकरणले निर्देशन दिएको जनाएको छ।
प्राधिकरण सञ्चालक समितिको अस्ति शुक्रवार बसेको बैठकको निर्णय अनुसार आइतबार सूचना निकालेर २८ महिनाको बक्यौता मासिक २८ किस्तामा बुझाउनेलाई त्यसैअनुसार सुविधा दिइने भएकाले प्रक्रियामा आउन पनि भनिएको जनाएको छ ।
यसअघि प्रशासकीय पुनरावलोकनको लागि तोकिएको म्याद खारेज गरिएको समेत जनाएको छ । बक्यौता भुक्तानी समयमै नगरे विद्युत महशुल सङ्कलन विनियमावली, २०७८ बमोजिम कारबाही हुने प्राधिकरणले चेतावनी समेत दिएको छ ।
