काठमाण्डौ,१५ असोज। सधैं भिडभाड र व्यस्त रहने काठमाण्डौ उपत्यकामा चहलपहल अहिले घट्दै गएको छ । गाडीको जामले अस्तव्यस्त जस्तै देखिने उपत्यकाका चोक तथा गल्लीहरु सुनसान जस्तै देखिन थालेको छ। बिहिबार दशैँको टीका भएकाले पनि उपत्यका सुनसान बन्दै गएको अनुमान गर्न सकिन्छ । पसलहरु पनि पूर्ण रुपमा खेलेका छैनन् । मुख्य–मुख्य चोकहरुमा मात्रै केही मात्रामा चहलपहल देख्न सकिन्छ ।
देशका ७७ वटै जिल्लाबाट विभिन्न पेशा तथा व्यवसाय गरेर संघीय राजधानी बस्नेहरु वर्षमा एकपटक दशैँमा घर जाने र परिवारसँगै दशैँ मनाउने गर्दछन् । अहिले गाडीको चापमा झन्डै ५० प्रतिशतले कमि आएको ट्राफिक प्रहरीले बताएको छ । केही मात्रामा सार्वजनिक गाडी समेत चलिरहेका छन् । ट्राफिक प्रहरीका अनुसार अहिलेसम्म झन्डै साढे ५ लाखले काठमाण्डौ उपत्यका छाडि सकेका छन् ।
