काठमाण्डौं,१८ असोज।भौतिक पूर्वाधार तथा यातायातमन्त्री कुलमान घिसिङले अति भारी वर्षाका कारण सम्भावित जोखिमबाट सचेत रहन आग्रह गर्नु भएको छ ।
मन्त्री घिसिङले भारी वर्षाका कारण सम्भावित बाढी, पहिरो, डुबानलगायतका जोखिमप्रति सावधानी अपनाउन र यात्रा गर्दा विशेष सतर्कता राख्न अनुरोध गर्नू भएको छ।
देशभर वर्षा भइरहेको बेला शनिबार मन्त्रालयमा आयोजित समन्वय बैठकमा मन्त्री घिसिङले भौतिक पूर्वाधार तथा यातायात मन्त्रालयका सचिव, सडक विभाग, जलस्रोत तथा सिँचाइ विभाग र जल तथा मौसम विज्ञान विभागका महानिर्देशकहरूसँग छलफलगर्नू भएको थियो। छलफलपछि मन्त्री घिसिङले आवश्यक तयारी अवस्था बलियो बनाउन निर्देशन दिनु भएको छ।
मन्त्री घिसिङले कर्मचारी र प्राविधिक टोलीलाई तयारी अवस्थामा रहन पनि आग्रह गर्नू भएको छ । साथै, आवश्यक उपकरण तथा संरचना सुरक्षित राख्न निर्देशन दिनु भएको छ । वर्षाले सडक, सिँचाइ र जलविद्युत् आयोजनामा क्षति पु¥याउने सम्भावना भएकाले गेट सञ्चालनमा विशेष ध्यान दिन र नदी–खोला किनारका उपकरण सुरक्षित स्थानमा सार्न उहाँको निर्देशन छ ।
