विराटनगर, १२ कात्तिक । विराटनगर स्थित महेन्द्र मोरङ आदर्श बहुमुखी क्याम्पसका स्वतन्त्र विद्यार्थी युनियन (स्ववियु) सदस्य अंकित पोखरेलको सवारी दुर्घटनामा परेर निधन भएको छ।बुधबार मध्यरात करिब १२ बजे विराटनगर महानगरपालिका–१० स्थित निर्मल जल उद्योग नजिक मोटरसाइकल अनियन्त्रित भई दुर्घटना हुँदा २५ वर्षीय पोखरेलको ज्यान गएको हो।
वडा प्रहरी कार्यालय विराटनगरका अनुसार दुर्घटनामा परी गम्भीर घाइते हुनु भएको उहाँलाई तत्काल उपचारका लागि विराटनगर अस्पताल (विराट नर्सिङ होम) पुर्याइएको थियो। अस्पताल पुर्याउनासाथ चिकित्सकले उनलाई मृत घोषणा गरेका थिए।विराटनगर महानगरपालिका–१ निवासी पोखरेल साथीभाइसँग जन्मदिन मनाएर घर फर्कने क्रममा दुर्घटनामा परेको प्रहरीले जनाएको छ।विद्यार्थी राजनीतिसँगै सामाजिक क्षेत्रमा सक्रिय पोखरेल जिपी कोइराला फाउन्डेसन मोरङ युवा कार्यदलका अध्यक्षसमेत हुनुन्थ्यो। उहाँको असामयिक निधनले सहकर्मी विद्यार्थी, युवा तथा सामाजिक वृत्तमा गहिरो शोक छाएको छ।
