झापा,१८ असोज।जल तथा मौसम विज्ञान विभाग, मौसम पूर्वानुमान महाशाखाबाट प्राप्त सूचनाअनुसार हाल कोशी प्रदेशसहितका क्षेत्रमा मनसुन सक्रिय भई उच्च मात्रामा वर्षा भइरहेको र यसले बाढीपहिरोको जोखिम बढाएको भन्दै जिल्ला प्रशासन कार्यालय इलामले विशेष सूचना जारी गरेको छ।
प्रशासनले राष्ट्रिय विपद् जोखिम न्यूनीकरण तथा व्यवस्थापन प्राधिकरणको सूचनाको आधारमा संभावित जोखिम न्यूनीकरणका लागि मेची राजमार्ग (इलामको जोरपाटीदेखि राँकेसम्म) र मेची कोरिडोर (कन्याम–कञ्चनजंघा सडक) मा सवारी आवागमन पूर्ण रुपमा बन्द गरिएको जनाएको छ। यो निर्णय आज बेलुकी ७ बजेदेखि असोज १७ गते बिहान ६ बजेसम्म लागू हुने गरी गरिएको हो।
सूचनामा ठूला सवारी साधन, जसको कुल वजन १० टनभन्दा बढी छ, ती सवारी साधनलाई तोकिएको अवधिमा मेची कोरिडोरमा सञ्चालन नगर्न आग्रह गरिएको छ। साथै, यात्रुहरूको अत्यावश्यक आवश्यकता भएमा सावधानीपूर्वक यात्रा गर्न प्रशासनले अनुरोध गरेको छ।
यसैगरी, साना सवारी साधन तथा १० टनभन्दा कम क्षमताका सवारी साधनलाई भने जोरपाटी–तिल्केनी सडक प्रयोग गर्न सिफारिस गरिएको इलामका प्रमुख जिल्ला अधिकारी सुनिता नेपालले हस्ताक्षर गरिएको सूचनामा उल्लेख छ।
तस्बिर : AI
