दमक, असोज १९ । पछिल्लो २ दिनदेखि परेको अविरल वर्षापछिको पहिरोका कारण इलाममा ३४ जनाको मृत्यु भएको छ । चार जना बेपत्ता भएका छन ।इलाम प्रहरीका अनुसार ११ जनाको पोस्टमार्टम भएको छ ।
प्रहरीका अनुसार सूर्याेदय नगरपालिका १ मानेभञ्ज्याङमा ५ जनाको मृत्यु भएको छ ।यस्तै इलाम नगरपालिका ६, घोसमा ६ जनाको मृत्यु भएको प्रहरीले जनाएको छ । त्यहाँ १ जना बेपत्ता भएका छन् । प्रहरीका अनुसार सन्दकपुर गाउँपालिकामा ४ जनाको मृत्यु भएको छ । २ बेपत्ता भएको पुष्टि भएको छ ।यस्तै माङ्सेबुङ गाउँपालिकामा ३ को मृत्यु भएको पुष्टि भएको छ । देउमाई नगरपालिकामा ८ को मृत्यु भएको पुष्टि भएको छ ।
यसैगरी माइजोगमाई गाउँपालिकामा ७ को मृत्यु भएको छ । १ जना बेपत्ता भएका छन् । यसैगरी फाकफोकथुम गाउँपालिकामा १ को मृत्यु भएको इलामकी प्रमुख जिल्ला अधिकारी सुनिता नेपालले बताइन् । प्रमुख जिल्ल अधिकारी नेपालका अनुसार घाईतेहरुको उद्धारको काम भइरहेको छ
