झापा,२० असोज। अविरल वर्षा पछि आएको बाढीपहिरोमा परेर कोशी प्रदेशमा ४४ जनाको मृत्यु भएको प्रहरीले जनाएको छ । कोशी प्रदेश प्रहरी कार्यालयका प्रवक्ता वरिष्ठ प्रहरी उपरीक्षक दीपक पोखरेलका अनुसार इलाम, उदयपुर, खोटाङ, मोरङलगायत जिल्लाका विभिन्न स्थानमा बाढीपहिरोमा परेर सोमबार बिहानसम्म ४४ जनाको ज्यान गएको हो ।
प्रहरी उपरीक्षक पोखरेलका अनुसार हालसम्म ५५५ जनाको उद्धार गरिएको छ, जसमा हेलिकोप्टरबाट २३ र नेपाल प्रहरीद्वारा ५३२ जनाको प्रहरीद्धारा उद्धार गरीएको छ।
झापाको झापा गाउँपालिकाबाट डुबानमा परेका १६ जनालाई उद्धार गरी सुरक्षित स्थानमा राखीएको छ । त्यस्तै इलामको माङसेबुङ गाउँपालिका– १ मा पहिरोले घाइते भएका ३ जनालाई उद्धार गरी धरानस्थित बीपी स्वास्थ विज्ञान प्रतिष्ठान पठाइएको छ भने सन्दकपुर गाउँपालिकाका चार जना घाइतेलाई उपचारका लागि बिर्तामोडस्थित बी एन्ड सी अस्पताल ल्याइएको प्रहरीले जनाएको छ ।
