काठमाण्डौं,२० असोज। सगरमाथा पारी सयौं पर्यटकहरु अलपत्र परिरहेका छन्।अलपत्र परेका उनीहरू विभिन्न क्याम्पिङ क्षेत्रमा फसेको चिनियाँ सञ्चारमाध्यमले बताएको छ । चिनियाँ सरकारी सञ्चारमाध्यमका अनुसार, ३५० भन्दा बढी पर्वतारोहीलाई उद्धार गरी सुरक्षित रूपमा स्थानीय बजारमा सारिएको छ।
उद्धार टोलीले अन्य २०० भन्दा बढी व्यक्तिसँग सम्पर्क स्थापित गरेको बताएको छ। यद्यपि, स्थानीय सञ्चारमाध्यमले शुरूमा करिब एक हजार पर्वतारोही फसेको अनुमान गरेको थियो। सगरमाथाको पूर्वी ढलानमा पर्ने कर्मा उपत्यकामा शुक्रबार साँझदेखि शुरू भएको हिमपात शनिबारसम्म जारी रहँदा सयौं पर्वतारोहीहरू त्यहीँ फसेका छन्।
पछिल्ला केही दिनदेखि हिमालय क्षेत्रको मौसम खराब रहेको छ। नेपालमा पनि भारी वर्षा, बाढी र पहिरोका कारण शुक्रबारयता कम्तीमा ४७ जनाको मृत्यु भइसकेको छ भने सगरमाथा ८ हजार ८४८ मिटरभन्दा बढी उचाइ भएको विश्वको सर्वाेच्च शिखर हो। यहाँ हरेक वर्ष हजारौं मानिस पदयात्रा तथा पर्वतारोहणका लागि आउने र्गदछन्।
