दमक,२० असोज। झापाको दमकमा दुईवटा यात्रुबाहक बस एकापसमा जुधेको प्रहरीले जनाएको छ।
सोमबार बिहान ९ बजे दमक – ९ शान्तिमार्गस्थित पूर्वपश्चिम राजमार्गमा काँकरभिट्टाबाट धरानतर्पm जाँदै गरेको को.१.ख. ६४७२ न.को बस र विपरित दिशाबाट आउँदै गरेको ग.१.ख. १६३६ न.को बस एकापसमा ठक्कर खाई दुर्घटना भएको प्रहरीले जनाएको छ ।
दुर्घटनामा ६४७२ न.को बसमा सवार मोरङ पथरी शनिश्वरे १० बस्ने ६० वर्षीया देबीमाया पौडेल घाइते भएकी छन् । टाउकोमा चोट लागेकी पौडेलको निम्स अस्पताल दमकमा उपचार भइरहेको प्रहरीले जनाएको छ । बस इलाका प्रहरी कार्यालय दमकको नियन्त्रणमा रहेको प्रहरीले बताएको छ ।
