झापा,२४ असोज ।जिल्ला प्रहरी कार्यालय झापाले बिर्तामोड नगरपालिका–८ किसनभिट्टास्थित एक घरमा जुवातास खेल्दै गरेको अवस्थामा ११ जनालाई पक्राउ गरेको छ।
प्रहरीका अनुसार गोप्य सूचनाको आधारमा मंगलबार राति करिब १० बजेतिर ओमनाथ उप्रेतीको घरको दोस्रो तलामा पुगेको टोलीले जुवा जन्य तास खेलिरहेका ११ जनालाई नियन्त्रणमा लिएको हो। पक्राउ परेकामध्ये घरधनी उप्रेती स्वयं पनि रहेका छन्।
प्रहरीले घटनास्थलबाट ५२ पत्ता ९एक बुक० तास, नगद दुई लाख पन्ध्र हजार पाँच सय पचास रुपैयाँ र नौ थान मोबाइल फोन बरामद गरेको जनाएको छ। पक्राउ परेका सबैलाई जिल्ला प्रहरी कार्यालय झापामा ल्याई थप अनुसन्धान भइरहेको प्रहरीले जनाएको छ।
जिल्ला प्रहरी कार्यालयले जुवा तथा सट्टेबाजीसम्बन्धी क्रियाकलापमा संलग्नलाई कानूनी दायरामा ल्याउने प्रतिबद्धता जनाउँदै यस प्रकारका गैरकानूनी क्रियाकलाप विरुद्ध निरन्तर अभियान जारी राखेको जनाएको छ।
एआइ तस्बीर
