काठमाडौं,२५ असोज । नेपाली कांग्रेसका नेता डा. शशांक कोइरालाले सभापति शेरबहादुर देउवालाई केन्द्रीय समिति भंग गर्न सुझाव दिनु भएको छ।
पार्टीको पदाधिकारी र पूर्वपदाधिकारीहरूको बैठकमा सहभागी हुन सानेपा पुग्नु भएको कोइरालाले सभापति देउवालाई केन्द्रीय समिति भंग गरेर कार्यवाहक तोक्न सुझाउनु भयो।
उहाँले भन्नु भयो,‘विशेष महाधिवेशन होइन अब नियमित महाधिवेशन गर्नु पर्छ । मैले शेरबहादुरजीलाई यो समिति विघटन गर्नुस् एक जनालाई कार्यवहाक सभापति दिनुस्।उहाँले गठन गर्नु हुन्छ्। महाधिवेशनको मिति तय गर्नु हुन्छ्।’
हाँे अहिलेको समस्या समाधान गर्नको चुनावको विकल्प नभएकाले त्यसलाई नकार्न नसकिने बताउनु भयो।
उहाँले अगाडि भन्नु भयो, ‘चुनावमा त जानु न ैपर्छ, लोकतान्त्रिक पार्टी भएकाले चुनावमा भाग नलिने भन्ने हुँदैन। त्यसैले अरू दलहरूसँग मिलेर एउटा बाटो लिनुपर्छ भन्ने सुझाव आएको छ। संसद् पुनःस्थापनाको कुरा त कानुनी भयो। तर समस्या समाधानको लागि त चुनाव नै चाहिन्छ। शान्ति स्थापनाको लागि सरकारलाई आग्रह गर्छौँ, निष्पक्ष र धाँधलीरहित चुनाव हुनुपर्छ।’
