दमक, १० कात्तिक । झापाको दमकमा भएको मोटरसाइकल दुर्घटनाका घाइते चालकको मृत्यु भएको प्रहरीले जनाएको छ ।
कात्तिक ५ गते विहानको राति २ः४५ बजे दमक –४ वन्डरल्याण्ड होटलअगाडी पूर्वपश्चिम लोकमार्गमा उर्लाबारीबाट दमकतर्फ आउँदै मे ९ प ३०७९ नम्बरको पल्सर मोटरसाइकल आफै अनियन्त्रित भई दुर्घटना भएको थियो । दुर्घटनामा मोटरसाइकल चालक पाँचथर कुम्मायक –२ स्थायी ठेगाना भई हाल मोरङ उर्लाबारी –५ बस्ने ३१ वर्षीय भेषराज बि.क. र सोही मोटरसाइकलमा पछाडी सवार दमक –४ बस्ने ३६ वर्षीय जीवनकुमार बि.क. घाइते भएको हो।
दुवै घाइतेलाई अरनिको अस्पताल उर्लाबारीमा लगी सामान्य उपचारपश्चात् चालक भेषराजलाई थप उपचारको लागि न्युरो अस्पताल बिराटनगरमा लगिएको थियो । उनको उपचारको क्रममा हिजो दिउँसो १२.५२ बजे मृत्यु भएको प्रहरीले जनाएको छ। मृतकको शव सोही अस्पतालमा रहेको छ । पछाडी सवार जीवनकुमार डिस्चार्ज भई घरमा रहेको प्रहरीले बताएको छ ।
एआइ तस्बीर
