बाढी प्रभावित करिडोरमा प्रहरी चौकी पुनःस्थापना र बेपत्ताको खोजी तीव्र

काठमाडौं ,१३ कार्तीक। भोटेकोशी तथा कालीगण्डकी करिडोर क्षेत्रमा गएको बाढीबाट प्रभावित स्थानमा नेपाल प्रहरीले प्रहरी चौकी पुनःस्थापना तथा बेपत्ता व्यक्तिहरूको खोजी कार्यलाई निरन्तरता दिएको छ । भोटेकोशी एवम् कालीगण्डकी करिडोर विपद्सम्बन्धी अध्ययन तथा अनुगमन संसदीय विशेष समितिको बैठकमा प्रहरी महानिरीक्षक दानबहादुर कार्कीले प्रभावित क्षेत्रमा प्रहरी परिचालन, सुरक्षा व्यवस्था र खोजी कार्यको अवस्थाबारे जानकारी गराँउनु भएको छ ।प्रहरी महानिरीक्षक कार्कीका अनुसार बेत्रावती, स्याफ्रुबेँसी, टिमुरे र हाकु क्षेत्रमा प्रहरीको उपस्थिति पुनःस्थापित गरिएको छ । स्याफ्रुबेँसीमा प्रहरी निरीक्षकको कमान्डमा टोली परिचालन गरिएको छ भने यसअघि भौगोलिक अवस्थाका कारण छाडिएको हाकु क्षेत्रमा समेत पुनः प्रहरी चौकी स्थापना गरिएको छ ।

 

उहाँले भन्नु भयो, ‘प्रभावित क्षेत्रमा प्रहरी चौकीहरूको पुनःस्थापना कार्य अघि बढाइएको छ । बेत्रावती, स्याफ्रुबेसी, टिमुरे र हाकु क्षेत्रमा प्रहरी उपस्थिति पुनःस्थापित गरिएको छ । स्याफ्रुमा प्रहरी निरीक्षकको कमान्डमा टोली परिचालित छ । प्रहरीको मुख्य जिम्मेवारी सार्वजनिक सुरक्षा, शान्ति सुव्यवस्था कायम राख्नु र बेपत्ता व्यक्तिहरूको शव खोजी कार्यलाई निरन्तरता दिनु हो । स्थानीय जनगुनासोका आधारमा पनि खोजी कार्य गर्नुपर्ने भएकाले प्रहरीको स्थानीय उपस्थिति आवश्यक छ । हाल उपलब्ध म्यानुअल विधिबाट खोजी कार्य जारी छ । जमिनमुनि शव पहिचान गर्न सक्ने प्रविधि प्रयोगमा ल्याउनुपर्ने आवश्यकता पनि देखिएको छ । आगामी दिनमा प्रहरी चौकीका लागि उपयुक्त स्थान पहिचान गरी स्थानीय सुरक्षा र नागरिकका दैनिक सेवाहरूलाई प्रभावकारी बनाउने योजना रहेको छ ।’

 

उहाँले प्रभावित क्षेत्रमा सार्वजनिक सुरक्षा, शान्ति सुव्यवस्था कायम राख्ने तथा बेपत्ता व्यक्तिहरूको शव खोजी गर्ने कार्यलाई प्रहरीले प्राथमिकताका साथ अघि बढाएको बताँउनु भयो ।स्थानीयवासीबाट प्राप्त सूचना तथा जनगुनासोका आधारमा समेत खोजी कार्य गर्नुपर्ने भएकाले प्रभावित क्षेत्रमा प्रहरीको स्थायी उपस्थिति आवश्यक रहेको उहाँको भनाइ छ । हाल उपलब्ध जनशक्ति र म्यानुअल विधिको प्रयोगबाट खोजी कार्य भइरहेको उहाँले जानकारी दिनु भयो।जमिनमुनि पुरिएका शव पहिचान गर्न सक्ने आधुनिक प्रविधिको आवश्यकता औँल्याउँदै प्रहरी महानिरीक्षक कार्कीले डेढ मिटरसम्म जमिनमुनि रहेका शव पहिचान गर्न सक्ने उपकरणबारे जानकारी प्राप्त भए पनि नेपाल प्रहरीसँग त्यस्तो प्रविधि हाल प्रयोगमा नरहेको बताँउनु भयो ।

 

प्रभावित क्षेत्रमा प्रहरी चौकी स्थापनाका लागि उपयुक्त स्थान पहिचान गर्नुपर्ने आवश्यकता रहेको उल्लेख गर्दै उहाँले स्थानीय नागरिकको सुरक्षा तथा दैनिक सेवा प्रवाहलाई प्रभावकारी बनाउन प्रहरी उपस्थिति थप व्यवस्थित गरिने जानकारी दिनु भयो ।उहाँले विपद् प्रभावित क्षेत्रमा खोजी कार्यलाई निरन्तरता दिँदै स्थानीय सुरक्षा व्यवस्था सुदृढ बनाउने र नागरिकलाई सहज रूपमा प्रहरी सेवा उपलब्ध गराउने योजना रहेको पनि बताँउनु भयो।

उज्यालोखबरमा प्रकाशित तथा प्रशारित सामग्रीबारे कुनै प्रतिक्रिया, सुझाव या सल्लाह भए ujyaalokhabar112@gmail.com मा पठाउनु होला ।

Share:

ताजा समाचारहरु

सभामुख अर्यालद्वारा भीमफेदी दुर्घटनाका पीडित परिवारसँग भेट

सर्लाही ,३० कार्तीक। प्रतिनिधिसभाका सभामुख डोलप्रसाद (डीपी) अर्यालले सर्लाहीको चक्रघट्टा गाउँपालिका–४, सुन्दरपुर पुगेर मकवानपुरको भीमफेदीस्थित चिसापानी गढीमा भएको सवारी दुर्घटनामा ज्यान गुमाएका व्यक्तिका परिवार तथा

बझाङमा अटो दुर्घटना हुँदा तीन जनाको मृत्यु, एक बेपत्ता

बझाङ ,३० कार्तीक। बझाङको बुंगल नगरपालिका–१० टुमेडामा अटो दुर्घटना हुँदा तीन जनाको मृत्यु भएको छ ।सोमबार बिहान करिब १०ः२० बजे टुमेडा गाउँबाट सोहि ठाउँ को

छठको बहानामा मधेसमा शीर्ष नेताको दौडधुप : धार्मिक आस्था कि राजनीतिक रणनीति ?

काठमाडौं ,३० कार्तीक। सत्तारूढ रास्वपाका सभापति रवि लामिछाने यसपटक छठ मनाउन मधेसका विभिन्न धार्मिक स्थल पुग्नु भएको छ । शनिबार नै तराई झर्नु भएको उहाँ

रारा जाँदै गर्दा दुर्घटनामा परेका घाइतेको सेनाद्वारा उद्धार

मुगु ,३० कार्तीक। मुगुको रारा ताल जाने क्रममा हाइलक्स जिप दुर्घटनामा परी घाइते भएका दुई जनालाई नेपाली सेनाको हेलिकोप्टरमार्फत उद्धार गरिएको छ ।आइतबार मुगुको छायानाथ

बिरिङ खोला छठ पूजामा विवाद गर्ने युवक स्कुटरसहित नियन्त्रणमा

झापा, ३० कात्तिक । झापाको कन्काई नगरपालिका ८ स्थित बिरिङ खोलामा आयोजित छठ पूजामा विवाद गर्ने एकजना युवकलाई प्रहरीले पक्राउ गरेको छ ।गएराति ११ :

छठ पूजास्थल तोडफोड आरोपमा सुनसरीबाट दुई जना पक्राउ

झापा, ३० कात्तिक । सुनसरीको हरिनगर गाउँपालिका–६ स्थित छठ पूजास्थलमा तोडफोड गरेको आरोपमा प्रहरीले दुई जनालाई पक्राउ गरेको छ।जिल्ला प्रहरी कार्यालय सुनसरीका अनुसार पक्राउ पर्नेहरुमा