दमक, १३ कार्तीक । दमक १ मा रहेको सरकारी अस्पताल दमक अस्पतालमा आज बिहान १० बजे सेवाग्राहि पुग्दा नर्सहरु बिरामीसग भेटिएका थीएनन । उनीहरु अस्पताल छिर्ने मुख्य ठाउँ अर्थात इमर्जेन्सीको अगाडी बसेर धर्ना दिइरहेका थीए ।
हातमा बिभिन्न प्ले कार्ड बोकेर अस्पतालको सेवानै प्रभावीत पारेर यसरी गरिएको धर्नाको कारण के थियो ? त्यही भीडबाट बोल्नु भयो देवी दंगाल । ‘हाम्रो यो धर्ना रहर हैन बाध्यता हो । हामीले धेरै केहि कुरा चाहेका छैनौ । राज्यले नर्सलाई तोकेको तलव र सेवा सुविधा अस्पतालले प्रदान गर्नुपर्ने र नेपालमै काम गर्ने वातावरण बनाउनु पर्ने छ ।
’ दंगाल नेपाल नर्सीङ संघ झापाको सचिव समेत हुनुहुन्छ । उहाँले भन्नु भयो ‘नर्स पढ्न १० लाख खर्च हुन्छ तर अहिले नर्सहरुमाथी श्रम शोषण भएको छ । १५ हजार रुपैँयामा काम गर्नुपर्ने बाध्यता छ । यसको अन्त्य हुनुपर्यो ।’
आफुहरुको माग पुरा नभएसम्म आफुहरुले आन्दोलन नछोड्न बताउँदै उहाँले भन्नु भयो ‘हामी हरेक हस्पतालमा बिहान १० बजे देखी देखी १२ बजेसम्म नर्सीङ सेवा बन्द गर्ने छौ । अर्थात हामी काम गर्ने छैनौ । ’ उहाँले यद्यपी इमर्जेन्सी सेवामा भने आफुहरुले काम नरोक्ने पनि बताउनु भयो ।
