दमक,१४ कार्तिक । नेपालमा रहेका अधिकांश मानिसहरु अहिले पायल्स,फिसर,फ्रिस्टुला जस्ता रोगहरुबाट ग्रषित छन् । यस खाले रोगहरु ढिला पत्ता लाग्ने र गोप्य ठाउँहरुमा हुने भएकाले मानिसहरुले आफ्नो रोगको बारेमा थाहा पाएर पनि अति गाह्रो नभएसम्म अस्पताल गएर जाँच र उपचार गराउदैँनन् । जसका कारण रोग अन्तिम अवस्थामा पुग्छ र जटिल बन्ने गरेको छ । यस प्रकार गाउँघरमा लुकेर बसेका गोप्य रोगहरुको पहिचान र उपचार गरी नेपाललाई पायल्स फ्रि देश बनाउने अभियान चलाईरहेको छ उर्लावारीमा मुख्य शाखा रहेको गैरसरकारी संस्था एन्जल फाउन्डेशनले । जुन अभियान अन्तर्गत बिहिबार दमकमा एउटा बृहत स्वास्थ्य शिविर सम्पन्न गरिएको छ ।
एन्जल फाउन्डेशनले गाउँघरमा लुकीछिपी बसेका गोप्यरोगहरुको पहिचान र उपचार गराउन विगत लामो समयदेखी देशभरका विभिन्न ठाउँहरुमा विभिन्न संघसंस्थाहरुसँगको समन्वयनमा अभियान चलाईरहेको छ । यसै सन्र्दभमा विहिवार झापाको दमकमा रहेको सनराईज सेकेन्डरी बोर्डिङ स्कुलमा पनि फाउन्डेशनले एकदिने निशुल्क स्वास्थ्य शिविर सम्पन्न गर्यो ।
आफूलाई पहिला देखी नै पाईल्स रहेको थाहा भएपनि अस्पतालमा गएर जाँच गराउन नसकेको दमक २ की स्थानीयवासी गिता खड्का बताउनु हुन्छ । तर, केही गाह्रो नपरेकाले उहाँले अहिलेसम्म अस्पताल धाउने दुख गर्नुभएन । यस्ता रोगहरु अफट्यारो ठाउँमा देखिने भएकोले कसरी देखाउने होला भन्ने कुराको डर र लाजले अहिलेसम्म नदेखाएको उहाँले बताउनु भयो । तर, यसरी आफ्नै ठाउँमा रोगको निशुल्क जेकजाँच गर्न शिविर नै आएको थाहा पाएपछि भने मौकाको फाईदा उठाउनकै लागी भएपनि आफू यहाँ आएको उहाँले प्रतिकृया दिनुभयो ।
यस्ता रोगहरुको प्रारम्भीक समयमा नदुख्ने न पोल्ने भएकाले धेरैले रोग लागेको पनि पत्तो पाउँदैनन् । आफूसँग पनि यस्तै भएको र आज शिविरमा जाँच गराएपछि मात्र आफूले आफ्नो रोगको बारेमा थाहा पाएको बताउनुहुन्छ शिविरमा परिक्षण गराउनु भएकी ज्ञानु घिमिरे ।
पायल्स जस्ता गोप्य रोगहरु अहिले प्राय सबैलाई नै हुने गरेको छ । तर, यो रोग लाग्छ चाहीँ कसरी सुनौँ एन्जल फाउन्डेशनकी मेडिकल अफिसर डा. अस्मिता ओलीको यो कुरा ।
आफूलाई रोग लगेको थाहा भईसकेपछि दुखेको छैन भन्दै अस्पताल नजाने र डाक्टरको परामर्श नलिने बानीले गर्दा नै रोग अन्तिम चरणमा पूग्ने गर्छ र उपचार गर्न गाह्रो हुने गर्छ । त्यसैले बेलैदेखी सचेत रहन समेत फाउण्डेशनले अनुरोध गरेको छ ।
