काठमान्डौ,१० भदौ ।भोटेकोसीमा आएको भीषण बाढीले नुवाकोटको विदुर नगरपालिका क्षेत्रका वेत्रावती र सोले बजारमा ठूलो क्षति पुर्याएको स्थानीयले बताएका छन्।
उत्तरगया पब्लिक स्कुलका शिक्षक सोमलाल डंगोलका अनुसार विद्यार्थी लिन गएको स्कुल बस सम्पर्कविहीन भएको छ। स्थानीय प्रहरी चौकीसमेत बाढीले बगाएको र सुरक्षाकर्मीको अवस्थाबारे जानकारी हुन नसकेको उनले बताए।
उनका अनुसार केही स्थानीय घाइते भएका छन् भने केही मानिस भीरमा अड्किएका छन्। बाढीले सडकसमेत बगाएकाले उद्धार तथा आवतजावतमा समस्या भएको स्थानीय गणेश न्यौपानेले बताए।
स्थानीयका अनुसार वेत्रावती र सोले बजारमा केही घरबाहेक अधिकांश संरचना बाढीले बगाएको छ।
