दमक, २९ कार्तिक । झापाको दमकमा रहेको ग्लोबल एजुकेशनल एकेडेमीले शनिवार आयोजीत गरेको सांस्कृतीक कार्यक्रम भव्य रुपमा सम्पन्न भएको छ ।
विद्यालयले विद्यार्थीहरुको सिर्जनात्मक क्षमता, आत्मविश्वास, समूह—कार्य तथा कला संस्कृतीप्रति रुची बढाउने उद्धेश्यले हरेक वर्ष जस्तै यस वर्ष पनि सांस्कृतीक कार्यक्रम भव्य रुपमा आयोजना गरेको हो । कार्यक्रम विद्यालय परिसरमा सम्पन्न भएको थियो, जसमा विद्यार्थी,अभिभावक , शिक्षकमण्डल तथा विद्यालय प्रशासनको उल्लेखीय सहभागिता रहेको थियो ।
कार्यक्रमभरि विभिन्न कक्षाका विद्यार्थीहरुले विभिन्न कला प्रस्तुत गरेका थिए भने कार्यक्रममा उत्कृष्ट अभिभावक र विद्यार्थीलाई समेत पुरस्कृत गरिएको थियो । कार्यक्रममा मन्टेश्वरी देखी कक्षा १० सम्मको विद्यार्थीहरुको कला प्रस्तुत गरिएको थियो ।
हरेक वर्ष नै ग्लोबल एजुकेशनल एकेडेमीले वार्षिक सांस्कृतीक कार्यक्रमको आयोजना गर्ने गरेको छ । यस खाले कर्यक्रमले विद्यार्थीमा भएको कलाको प्रस्तुत गर्ने अवसर पाउनुको साथै भविष्यमा नृत्य, गायन तथा स्टेजमा बोल्ने जस्तो कुराहरुमा रुची हुनेहरुको लागी पनि अभ्यास हुने विश्वास राख्नुहुन्छ सोही विद्यालयमा कक्षा १० मा अध्ययनरत छात्रा जेलीना राई ।
त्यस्तै, कार्यक्रममा उपस्थित अर्की छात्रा सोनिया बोहोराको पनि यसखाले कार्यक्रमले बिद्यार्थीको क्षमता प्रस्फुटन गर्ने र यसले मनोबल बढाउने धारणा छ
।
यस खाले कार्यक्रमले विद्यार्थीहरुमा लुकेको प्रतिभाको उजागर हुने र विद्यार्थीहरुको अनुभव र आत्मवीश्वास समेत वृद्धी हुने गरेकाले विद्यार्थीलाई पाठ्यपुस्तकमा मात्र सिमीत नराखी यसखाले क्रियाकलापमा पनि समावेश गराउने गरेको ग्लोवल एजुकेशनल एकेडेमीका प्रधानाध्यापक गुणराज अधिकारीले बताउनुभयो ।
यो कार्यक्रमबाट विद्यालयले केबल मनोरञ्जनका लागी मात्र हैन विद्यार्थीमा लुकेर बसेका क्षमता, सृजनशीलता, अनुशासन, आत्मविश्वास र नेतृत्व गर्ने क्षमतालाई उजागर गर्ने विश्वास लिएको छ । शनिबार सम्पन्न भएको कार्यक्रममा नर्सरी देखी कक्षा १० सम्मको विद्यार्थी र अभिभावकको सहभागिता रहेको थियो भने ,आईतबार कक्षा ११ लाई स्वागत गर्ने कार्यक्रम रहेको विद्यालयले जनाएको छ ।
