दमक, ४ मंसिर ।विश्व बाल दिवस । बाल अधिकारका बारेमा वकालत गरेर बालबालिकाको अबस्था र स्थिति बुझ्न र चिन्तन गर्ने एउटा महत्त्वपूर्ण अबसर हो । यसकालागी देशभर विभिन्न कार्यक्रम हुन्छन । र गरिए पनि । तर झापाको दमकमा भने केही फरक कार्यक्रम भयो । त्यो हो अनाथ बालबालिकाको निशुल्क स्वास्थ्य परिक्षण । दमक ९ मा रहेको अनाथ बाल आश्रममा दमक जेसिजले आयोजना गरेको स्वास्थ्य शिविरमा केके भयो र कस्तो देखियो?
साइनबोर्डमा लेखिएको छ अनाथ बालबृदा आश्रम । तर यहाँ बृद्धअबश्थाका कोहि हुनुहुन्न । अनि एकै ठाउमा राख्न पनि नपाईने कार्यबिधिले एकै ठाउँ नराखेको पनि हो । साइनबोर्ड सुधार हुँदै जाला । यहाँ अहिले करिव ३२ जना अनाथ बालबालिका छन । यी बालबालिकाको शिक्षा , स्वास्थ्य, अनि बाच्न पाउने सम्पुर्ण अधिकारको प्रत्याभूति यहि आश्रमले गराईरहेको छ । र यहि क्रममा यहाँ बसीरहेका बालबालिकाको दात र आखाको अबस्था कस्तो छ भनेर बिहीवार स्वास्थ शिविर सम्पन्न गरियो । दमक जेसिजले आफ्नो सप्ताह व्यापी कार्यक्रम अन्तरगत यो पटक यस आश्रममा पुगेर यहाका बालबालिकाको आँखा र दात जचाउन प्राबिधिक टिम सहित लिएर गयो । दातको परिक्षण गराउन दमक ५ बेलडाँगी रोडमा रहेको दमकको एकमात्र दात अस्पताल ओम शान्ती डेन्टल हस्पिटल र आखाँको परिक्षण गराउन यहि रोडमा रहेको बिर्ताज्योती आँखा अस्पतालका चिकित्सकको टोली नै लिएर गयो । यसबाट यहाँ रहेका बालबालिकाको दात र आखाँको परिक्षण गराउन सकिएको र यस्तो प्रभाबकारी कार्यक्रम आश्रममा ल्याएको भन्दै आश्रम सन्चालन समितीकि अध्यक्ष मनदरा पौडेलले आयोजकप्रती आभार व्यक्त गर्नु भयो ।
दकक जेसिज ले आफ्नो सप्ताहब्यापी कार्यक्रम गरिरहेको छ । शुक्रबार सम्पन्न हुने यो अभियानमा नागरिकसग जोडिएका विभिन्न सामाजिक कार्यक्रम यो पटकपनी गरेको दमक जेसिजका अध्यक्ष सहदेव भट्टराईले जानकारी दिनुभयो ।
