दमक, ५ मंसिर । एकजना बार टेण्डर गर्ने यूवा । हातमा बोतल र गीलास बोकेर यसरी घुमाईरहनु भएको छ कि यहाँ सहभागी भएका अन्य विद्यार्थीहरुका लागी मानौ यहाँ कुनै सर्कस प्रदर्शन भइरहेको छ । बार टेण्टरमा यस्ता दृष्य सामान्य भएपनि अन्य सर्वसाधारणका लागी यो दृष्य नौलो हो । यती मात्रै नभएर दुईवटा बोतलको मुखमा हुरहरी बलेको आगो र त्यसलाई आकर्षक ढंगबाट खेलाइएको दृष्यले पनि सबैलाई चकीत बनाइरहेको थियो । अझ बिच बिचमा निकालीएको आगोको ज्वाला थप रोचक थियो ।
बार तथा रेष्टुरेण्डमा बिभिन्न पेय पदार्थको कक्टेल गर्ने र त्यसबेला ग्राहकको ध्यान आकर्षण यसखालका काम र गतिबिधी गर्ने गरिन्छ । यती मात्रै नभएर यहाँ मक्तेल बनाएर बिभिन्न जुसहरु समेत बनाउन सिकाइएको थियो ।
यी सबै कला होटल म्यानेजमेण्ड अध्ययन गर्ने विद्यार्थीका लागी आवश्यकीय हो । यस्तो सिप कसरी सिक्ने भन्नेबारेमा विद्यार्थीलाई दमक ६ मा रहेको ग्लोवल एजुकेशनल एकेडेमीले शैदान्तीक त सिकाएको थियो तर शुक्रबार त्यसको प्रत्यक्ष गराइ त्यो पनि कलेजमै देख्न पाउँदा विद्यार्थीहरुमा निकै उत्साह थपीएको थियो ।
विद्यार्थीहरुलाई कितावी ज्ञानमात्रै दिएर हुँदैन । शैन्दान्तीक ज्ञानले उनीहरुलाई बोल्न जान्ने वा लेख्न जान्ने बनाउन सक्ला । सोधेको बेलामा जवाफ दिन सक्लान । तर गर्नुपर्यो भने त्यो काम लाग्दैन । गर्नकालागी प्रयोगात्मकनै चाहिन्छ । आफै प्रत्यक्ष लागेर नगरे सम्म त्यो सिकाईले उपलब्धी दिदैन । यही कुराको मद्यनजर गरेर ग्लोवल एजुकेशनल एकेडेमी दमकले यहाँ अध्ययन गर्ने विद्यार्थीहरुलाई बिषयअनुसारका तालीम, गोष्टि , सेमिनार मात्रै गराउँदैन अन्य प्रयोगात्मक अभ्यास पनि गराउँछ । त्यो पनि सम्बन्धीत क्षेत्रका बिज्ञ र अनुभवीलाई विद्यालयमै बोलाएर । सोहि अन्तगर्त शुक्रबार पनि होटल म्यानेजमेण्ड अध्ययन गरिरहेका कक्षा ११ र १२ का विद्यार्थीहरुलाई बार टेण्डरको बारेमा प्र्रत्यक्ष जानकारी दिइएको विद्यालयका प्रधानाध्यापक गुणराज अधिकारीले जानकारी दिनुभयो ।
यस्तै केहि दिन अघी यस विद्यालयबाट पास आउट भएर गएका विद्यार्थीहरु जो बिभिन्न विस्व विद्यालयमा अध्ययन गरिरहेका छन् ती मध्ये सत् प्रतिशत छात्रबृद्धि पाउन सफल भएकाहरुलाई बधाई सहित सुभकामना व्यक्त गरेर थप हौसाला समेत प्रदान गरेको छ । जस अन्तर्गत आई ओ इद्धारा इन्जिनीयरीङ विषयकालागी लिइएको परिक्षामा पूर्ण छात्रबृद्धि पाउन सफल सुजीत निरौला र धीरज भट्टराई साथै सि इ इ र आओइ को मेरिट लिस्टमा परेर अध्ययन गर्नेहरु सुधा गौतम, बिपुल पौडेल र स्नेहा पोखरेललाई समेत सम्मान सहित बधाई ज्ञापन गरिएको थियो । यसबाट विद्यालय छोडेर गएका विद्यार्थीकालागी पनि थप प्रेरणा बढाउन विद्यालयले हरदम काम गरिरहेको सन्देश दिन खोजीएको विद्यालयले जनाएको छ ।
