दैनिक ५ टन मल उत्पादन, कोशीलाई अर्गानिक क्षेत्र बनाउन जोड

उर्लाबारी, २१ मंसिर । रासायनिक तत्वले प्राणी मात्र नभएर सिंगो पर्यावरणलाई घात गरिरहेको अवस्थामा एक प्राङ्गारिक मल उद्योग कोशी प्रदेशलाई रासायनिक तत्व मुक्त गरेर अर्गानिक उत्पादन गराउने अभियानमा छ ।

 

मोरङको उर्लाबारी ९ का युवा राजीव खड्काको अगुवाईमा ३ वर्षअघिबाट प्राङ्गारिक मल उद्योग सञ्चालन गर्दै हाल दैनिक ५ मेट्रिक टन मल उत्पादन गर्न थालिएको छ । हाल ५० मेट्रिक टन मल मौजाद रहेको बताउँदै कोशी प्रदेशलाई रासायनिक मल मुक्त गर्न सकिने हाम्रो उन्नत प्राङ्गारिक मलका सञ्चालक खड्काले लक्ष्य राख्नु भएको छ ।

 

हिमादेवी भट्टराईले श्रीमान राजीवलाई मल उत्पादनमा हरपल साथ दिनुमात्र होइन, प्रोप्राइटरका रुपमा सँगसँगै अघि बढ्नु भएको छ । सँगसँगै बैदेशिक रोजगारमा रहेको अवस्थामा त्यसलाई त्यागेर आफूहरुले आफ्नै देशमा माटोका लागि थालिएको काम सन्तोषजनक हुँदै गएको उहाँको भनाई छ ।

 

 

हाल अन्य २ जना साझेदार समेत थप गरी शिवशक्ति बायोटेक कम्पनी मार्फत हाम्रो उन्नत प्राङ्गारिक मल उद्योग, आमा कृषि फर्म, जयशम्भू कृषि भण्डार र बिर्तामोड एपेक्स बायोटेक कम्पनीले मलका साथै विषादी र आलुको टिस्यूकल्चरसहितमा काम गर्ने बृहत योजना अघि बढाइएको छ । गोबर, सुली सहितका १२ प्रकारका तत्वहरु मिसाएर दानेदार लगायतका ५ खाले मल उत्पादन भइरहेको छ । अरुले बिक्री गर्दै आएको भन्दा आधा कम मूल्यमा गुणस्तरीय मल बिक्री गरेर किसानलाई राहत पुर्याउँदै आएको उहाँको दाबी छ । यसका साथै आलुको बीउ उत्पादन कार्य पनि सँगसँगै अघि बढेको छ ।

 

पछिल्लो पटक कोशी प्रदेश सरकारको लगानी सम्मेलन मार्फत सो उद्योगका लागि २७ करोडको केन्द्रीय योजना परेको छ । प्राविधिकहरु राखेर दानेदार मल उत्पादन गरिरहेको उद्योगले हालसम्म काठमाडौंमा ६ वटासहित कर्लाणी सहकारीका ४० भन्दा बढी शाखा तथा १० डिलरमार्फत बिक्री वितरणलाई राष्ट्रव्यापी बनाउने अभियान सञ्चालन गरिरहेको छ । रासायनिक मलको डिलर खोल्ने र त्यसलाई अनुदान दिने कार्यक्रम रोक्दै प्राङ्गारिक मलको उत्पादनमा अनुदान दिने नीति सरकारले ल्याउनै पर्नेमा दम्पतीको जोड छ ।

https://www.facebook.com/share/v/17qwZ987CR/

उज्यालोखबरमा प्रकाशित तथा प्रशारित सामग्रीबारे कुनै प्रतिक्रिया, सुझाव या सल्लाह भए ujyaalokhabar112@gmail.com मा पठाउनु होला ।

Share:

ताजा समाचारहरु

अस्ट्रेलियाको क्रिसमस टापुमा रातो गंगटाको वार्षिक बसाइँसराइ सुरु

क्रिस्मस् (आईल्याण्ड),२ मंसिर । अस्ट्रेलियाको क्रिसमस टापुमा लाखौँ रातो गंगटो (रेड क्र्याब) आफ्नो वार्षिक प्रजनन यात्राका लागि जंगलबाट समुद्रतर्फ निस्किएका छन् । वर्षायामको पहिलो वर्षासँगै

जलवायु जोखिम प्रतिवेदन : अस्ट्रेलिया प्रभावित देशहरूको शीर्ष ३० भित्र

क्यानबेरा,२ मंसिर । जलवायु परिवर्तनका कारण उत्पन्न चरम मौसमी घटनाबाट सबैभन्दा बढी प्रभावित हुने देशहरूको विश्वव्यापी सूचीमा अस्ट्रेलिया २६ स्थान माथि उक्लिएको छ । सन्

अन्तर्राष्ट्रिय बजारमा सुन र चाँदी महँगियो

काठमाडौं ,२ मंसिर। अन्तर्राष्ट्रिय बजारमा सुन र चाँदी दुवैको मूल्य वृद्धि भएको छ । न्यूयोर्क मर्कन्टाइल एक्सचेन्जमा डिसेम्बरमा डेलिभरी हुने सुनको मूल्य ०.२९ प्रतिशतले बढेर

अछामबाट सुत्केरीको हेलिकप्टर मार्फत उद्धार

अछाम,२ मंसिर । जटिल प्रसूति समस्याका कारण ज्यान जोखिममा परेकी अछामकी २० वर्षीया महिलाको नेपाली सेनाको हवाई साधनमार्फत उद्धार गरी थप उपचारका लागि कर्णाली प्रदेश

बिर्तामोडमा एकैदिन दुई स्कुल बस दुर्घटना, दुई घाइते

बिर्तामोड, २ मंसिर । झापामा स्कुल बस दुर्घटना बढ्दै गएको छ । थोत्रा गाडी र चालकको लापरवाहीका कारण बालबालिका बोक्ने स्कुल बसहरु दुर्घटना हुने क्रम

झापामा ४२ वर्षपछि कोटी हवन हुँदै, भूमिपूजन सुनको हलोले गरिने

दमक, १ मांसिर । ४२ वर्षअघि अर्थात् २०४२ सालमा राष्ट्रगुरु योगी नरहरिनाथको अगुवाइमा झापाको कनकाईधाम (कोटीहोम) मा बृहत् कोटीहोम महायज्ञ आयोजना गरिएको थियो। त्यहि प्रकृतिको