दमक, ३ पुष । दमक नगरपालिका वार्ड नं ७ मा रहेका जेष्ठ नागरीकहरुको सम्मानका साथै निशुल्क स्वास्थ्य शिविर सम्पन्न भएको छ । बिहिबार वार्ड कार्यालयको आयोजनामा बृहत स्वास्थ्य शिविर गरियो भने जेष्ठ नागरिक सम्मान प्रतिस्ठान वार्ड नं ७ को २२ औ वार्षिक उत्सवको अवसरमा जेष्ठ नागरिकहरुलाई सम्मान समेत गरीएको छ ।
स्वास्थ्य परिक्षण गर्न आउनु भएका जेष्ठ नागरिकहरुले चिकित्सकसग अधिकांशले आफ्नो दीर्ग रोगको बारेमा राख्नु भएको थियो । दमक ७ राधाकृष्ण टोलबाट शिविरमा आउनु भएकी नरमाया दाहालले भन्नु भयो डाक्टहरुले के भएको छ भन्नु भयो आफ्नो समस्या र रोग भने उहाँहरुले थप उपचारकालागी अस्पताल बोलाउनु भएको छ । ’
यस्तै दमक ७ मा रहेको किरात भवनको छेवैमा रहनु भएका …..ले आफु यहाँ आवश्यक परेअनुसार आइनै रहने बताउनु हुन्छ । तर आज चाहि आएर आफ्नो स्वास्थ्य परिक्षण गराउन पाएको र यसको उपचार समेत गर्न पाउँदा राम्रै भएको प्रतिकृया दिनुभएको छ ।
वार्ड कार्यालयले लाईफलाईन अस्पताल, बिर्ताज्योती आखा अस्पतालसगको प्राविधिक सहयोगमा बिषेशज्ञ शिविर सञ्चालन गर्यो । यसबाट जेष्ठ नागरीकको स्वास्थ्य अवस्था कस्तो रहेछ र अव के गर्न सकिन्छ भन्नेबारेमा समेत अवगत हुन सक्ने आधारभूत स्वास्थ्य केन्द दमक ७ का संयोजक नगेन्द्र भट्टराईले जानकारी दिनुभयो ।
जेष्ठ नागरीकका लागि यस भन्दा अघील्ला वर्ष दमकमा निशुल्क स्वास्थ्य बिमा र घर घरमै गएर स्वास्थ्य परिक्षण गरिने कार्यक्रम थियो । तर पछिल्लो जेन जी आन्लदोलनका कारण त्यस खालका कार्यक्रम प्रभावित भए । यद्यपी वार्ड नं ७ ले अन्य सघं सस्थाहरुसग सहकार्य गरेर भएपनि जेष्ठ नागरिकको स्वास्थ्य परिक्षण गर्ने र अन्य सहयोग गर्ने काम चाहि निरन्तर गरिरहेको वार्ड अध्यक्ष भीम प्रसाद पौडेलले जानकारी दिनुभयो ।
यसैगरी जेष्ठ नागरीक सम्मान प्रतिस्ठान दमक ७ ले आफ्नो स्थापनाको २२ औ साधारणा पनि सोहि अवसरमा सम्पन्न गरेको छ । यस अवसरमा जेष्ठ नागरिकहरुलाई सम्मान समेत गरीएको सचिव रीङ कुमार आचार्यले जानकारी दिनुभयो । जाडोको समयमा कम्तिमा एउटा टोपी, घरभीत्र लगाउने चप्पल, तातोपानी राख्ने थर्मस तथा फलफूल समेत दिएर जेष्ठ नागरीक प्रति सम्मान गरीएको आचार्यले जानकारी दिनुभएको छ ।
जेष्ठ नागरीकहरुको अनुभवलाई आम्तसाथ गर्दै नयाँ पुस्ताको सोच र खोजलाई समेत स्विकार गरेर अघी बढ्ने हो पनि सामाजीक रुपान्तरण सम्भव छ भन्ने सोचका साथ यसखाले कार्यक्रम आयोजना गरीएको जनाइएको छ ।
