काठमाडौँ,२१ पुस । गत भदौ २३ र २४ गतेका घटना सम्बन्धी जाँचबुझ आयोगले पुर्व प्रधानमन्त्री केपी शर्मा ओलीमाथि लगाएको स्थानहद हटाउने निर्णय गरेको छ। आयोगको सोमबार बसेको बैठकले ओलीको विदेश भ्रमणमा लगाइएको रोक र काठमाडौँ उपत्यका छाड्न नपाउने पूर्ववर्ती निर्णय फुकुवा गरेको जनाएको छ ।
ती घटनाहरूको अनुसन्धानका क्रममा पुर्व प्रधानमन्त्रीको हैसियतमा ओलीले गरेका कामकारबाहीबारे आयोगले सोधपुछ र आवश्यक बुझ्ने कार्य सम्पन्न गरिसकेको बताइएको छ। सोधपुछको प्रक्रिया सकिएकाले उहाँ माथि लगाइएको प्रतिबन्धको औचित्य समाप्त भएको ठहर गर्दै आयोगले फुकुवाको निर्णय गरेको आयोगका सदस्य एवं प्रवक्ता विज्ञान राज शर्माले जानकारी दिनु भयो ।
यसअघि आयोगको २०८२ असोज १२ गतेको बैठकले अनुसन्धानको दायरामा रहेका कारण उहाँलाई उपत्यका छाड्न र विदेश जान रोक लगाएको थियो।
