दमक,२८ पुस। बिहानी क्रिकेट ग्रुप दमक, झापाले आयोजना गरेको खुल्ला नकआउट टि–१० क्रिकेट टुर्नामेन्टको उपाधि दमक इलेभेनले जितेको छ । आइतबार सम्पन्न फाइनल दमक इलेभेन विजेता बन्न सफल भएको छ भने खेलमा शिवसताक्षी नगरपालिका उपविजेतामा सीमित भएको छ ।
टि–१० अन्तर्गतको फाइनल खेलमा दमक इलेभेनले निर्धारित १० ओभरमा ६ विकेट गुमाउँदै १ सय १७ रन बनाएको थियो। १ सय १८ रनको लक्ष्य पछ्याएको शिवसताक्षी नगरपालिकाले १० ओभरमा ५ विकेट गुमाउँदै ८० रन मात्र बनाउन सक्यो। फाइनल खेलको ‘म्यान अफ द म्याच’ दमक इलेभेनका पप्पु मण्डल घोषित भए भने ‘प्लेयर अफ द सिरिज’ को उपाधि शिवसताक्षी नगरपालिकाका अभिषेक लिम्बुले जिते। प्रतियोगिताको विजेता दमक इलेभेनले ट्रोफीसहित ३० हजार रुपैयाँ नगद पुरस्कार प्राप्त गरेको छ। उपविजेता शिवसताक्षी नगरपालिकाले भने ट्रोफीसहित २० हजार रुपैयाँ नगद पुरस्कार पाएको छ। टुर्नामेन्टका प्रायोजकहरूमा शिवम फेन्सी स्टोर, रानिन गोल्ड सिल्भर, ब्याक बर्न केटिएम, अम्बिका माछा फ्राई, न्यू सिद्धकाली कुरियर, झापाली इट्टा, फङ्की डेनिम, निरौला सुनचाँदी पसल, गीता ज्वेलरी, निरज ट्रेडस र सिटी कलेक्सन लगायत रहेका थिए। ट्रोफी हलेसी सुनचाँदी पसलको सौजन्यमा प्रदान गरिएको हो। पुस २५ गतेबाट सुरु भएको यो प्रतियोगिता पुस २७ गते औपचारिक रूपमा समापन गरिएको हो।
