झापा ,५ माघ । नेकपा एमालेका अध्यक्ष एवं पूर्वप्रधानमन्त्री केपी शर्मा ओलीले झापा निर्वाचन क्षेत्र नम्बर ५ आगामी निर्वाचनमा इपिसेन्टर बनेको कुरा वाइयात भएको प्रतिक्रिया दिनु भएको छ ।
मंगलबार हुने उम्मेदवारी दर्ताको लागि सोमबार झापा आइपुगनु भएका ओलीले भद्रपुर विमानस्थलमा यस्तो प्रतिक्रिया दिनु भएको हो । ओलीलाई सञ्चारकर्मीले झापा–५ निर्वाचनको इपिसेन्टर बन्यो नि ? भनेर प्रश्न गरेका थिए । जवाफमा ओलीले भन्नु भयो, ‘के को इपिसेन्टर हुन्छ ? वाइयात कुरा ।’
निर्वाचनका लागि शान्ति सुरक्षा अझै कायम हुन नसकेको भन्दै ओलीले सरकारले निर्वाचनका लागि शान्ति सुरक्षाको प्रबन्ध गर्न अझै नसकेको बताउनु भयो । विभिन्न प्रकारका अपराधिक घटनाहरू अझै समाजमा भइरहेकाले सुरक्षा प्रवन्ध कमजोर रहेको उहाँको भनाइ छ । निर्वाचन आयोगमाथि अहिले प्रश्न उठ्ने अवस्था आइरहेकाले निर्वाचन शान्तिपूर्ण, निष्पक्ष, भयरहित हुनेमा आशंका रहेको ओलीको भनाइ छ । नेकपा एमाले जस्तोसुकै अवस्थामा पनि निर्वाचनमा भाग लिने भन्दै उनले शान्ति सुरक्षाको स्थिति राम्रो हुनुपर्ने बताउनु भयो ।
प्रतिनिधिसभा निर्वाचनअन्तर्गत माघ ६ गते मंगलबार उम्मेदवारी दर्ताको कार्यतालिका रहेको छ। अध्यक्ष ओलीले झापा–५ बाट उम्मेदवारी दर्ता गर्दै हुनुन्छ्। उहाँसँग राष्ट्रिय स्वतन्त्र पार्टी (रास्वपा) बाट वरिष्ठ नेता बालेन शाहले उम्मेदवारी दिँदै हुनुन्छ् भने नेपाली कम्युनिष्ट पार्टीले रञ्जित तामाङलाई उम्मेदवार बनाएको छ ।
