दमक,६ माघ । नेकपा (एमाले) का अध्यक्ष केपी शर्मा ओलीले जेनजी आन्दोलनका नाममा झापामा ध्वस्त पारिएका व्यक्तिगत तथा सार्वजनिक संरचनाहरूको स्थलगत अवलोकन गर्नुभएको छ । आगामी फागुन २१ गते हुने प्रतिनिधिसभा निर्वाचनका लागि मनोनयन दर्ता गर्न गृह जिल्ला पुग्नुभएका ओलीले आज बिहानैदेखि विभिन्न स्थानको निरीक्षण गरिरहनुभएको छ । अध्यक्ष ओलीले मनोनयन दर्ता गर्नुअघि आन्दोलनका क्रममा क्षति पु¥याइएका संरचनाहरूको वास्तविक अवस्था बुझ्न स्थलगत भ्रमण गर्नुभएको हो । यस क्रममा उहाँले इलाका प्रहरी कार्यालय दमक, नगरपालिका कार्यालय,मेयर राम थापाको घर, चुनाव अभियान चलाएको यस अघिको आफू बसेको घरको समेत अवलोकन गरी त्यहाँ पुगेको क्षतिको जानकारी लिनुभएको छ । ओलीले आजै दमक टावर, लगायतका सार्वजनिक संरचनाहरू र आन्दोलनकारीले निशाना बनाएका निजी निवासहरूको पनि निरीक्षण गर्ने कार्यक्रम छ । आफ्नो निर्वाचन क्षेत्र झापा नम्बर ५ बाट प्रतिनिधिसभा सदस्यका लागि उम्मेदवारी दर्ता गराउने तयारीमा छन् ।
