दमक,८ फागुन । दमक २ मा रहेको सनराईज मोडल अग्रेजी माद्यमिक विद्यालय दमककोे मध्य भागमा रहेको एक ग्रामीण निजी स्तरको विद्यालय हो । यहाँ करिव १ हजार हाराहारीमा विद्यार्थीहरु अध्यन गरीरहेका छन् । विद्यालयले यहाँ पठन पाठनको अलवा विद्यार्थीहरुलाई बिभिन्न सिप पनि सिकारहेको छ भन्ने प्रमाण समेत पेष गरेको छ ।
कस्तो प्रमाण ?
प्रमाण न १ : विज्ञान प्रदर्शनी
विद्यार्थीहरुले कक्षा कोठामा सिकेको बिज्ञानको कला विद्यालयको प्राङ्गणमा देखाइदिए । सौर्यमण्डल देखी, वतावरण संरक्षण , दुर्घटना न्यूनिकरणका उपाय देखी ग्रीन सिटि सम्म । दैनिक जीवन उपयोगी कुरा समेत उनीहरुले प्रदर्शनमा राखे । यो प्रदर्शनी विद्यार्थी आफैले बनाएका हुन । यत्तीको प्रर्दशन निर्माण गर्न उनीहरुले आफुसगै उपलब्ध श्रोत साधनको प्रयोग गरे । अनी आफ्ना कक्षा शिक्षकको मद्यत पनि लिए । केहि नयाँ आइडिया फुराएर उनीहरुले काम गरे र उनीहरुको क्षमता यहाँ प्रर्दशनमा राख्न योग्य भयो । अव यत्तीकै क्षमता विकास गर्दै जाने हो भने उनीहरुले गरिखानेगरीको व्यवहारीक शिक्षा यहाँ यहीबाट सिक्न सक्ने छन् ।
प्रमाण २ : पाककला
बिहिबार दिउँसो । सनराईज मोडलले २४ औ बसन्त पार गरेको उत्सव मनाइरहदा यसको प्रवेश गर्ने ठाउँमै विद्यार्थीहरुको अर्को सिप पनि प्रर्दशन भइरहेको थियो । उनीहरुले त्यहाँ प्रर्दशन गरेको अर्को व्यवहारीक सिप थियो पाक कला । अचेलका डिटिजटल बालबालिकाहरु घरायसी र व्यवहारीक काममा पोख्त हुदैनन । घरको काम र घरको पनि भान्साको काम त गर्नै जान्दैनन नी भन्ने भाष्यलाई यो प्रर्दशनीले तोडीदिएको छ । उनीहरुले यहाँ साथी साथी मिलेर समुह बनाए । कुनै समुहले समोसा पकाए, कसैैले तरकारी र भुजाको स्टल राखे, कसैले चटपटे, कसैले पानी पुरी त कसैले अन्य खाजाका सेट । यी सबै खाजाका मेन्यूहरु कुनै व्यवसायीक भान्सेले पकाएको हैन । उनीहरुले त्यस सम्बन्धीको विषेश तालीम लिएको पनि छैन । उनीहरुले कितावमा पाककला सम्बन्धी केहि पढेका छन् । घरमा पकाएको देखेका छन् । अनुभव गर्दै नगरेको यी विद्यार्थीहरुले पकाउन आँट गरे । सवै सर्दम आफै जुटाए । र स्टलनै राखेर कार्यक्रममा आउने अभिभावक, अतिथी तथा अन्य विद्यार्थीलाई पनि स्वाद चखाए । यसबाट उनीहरुले काम गर्नु पर्छ भन्ने भान त भयो नै कामलाई व्यवसायीक बनाउँदा दाम पनि कमाइने रहिएछ भन्ने पनि सिके । यसले उनीहरुमा व्यवसायीक बन्न र आर्थीक उपार्जनमा लाग्नु पर्छ भन्ने ज्ञान पनि सिकाएको छ । लगानी गर्र्योे र त्यसमा लगाव लगाएर काम गर्यो भने फाईदा पनि हुने रहेछ भन्ने कुराको अनुभव समेत गर्न सके ।
प्रमाण नं ३ : नृत्य र गायन
विद्यार्थीहरु केमा कस्तो क्षमता राख्छन् त्यसको परिक्षण उसको उत्तर पुस्तिकाको प्राप्तांकले मात्रै मापन हुन सक्दैन । त्यो प्राप्तांकमा कमजोर भएकाहरुले अन्य क्षेत्रमा भने अव्वल गर्न सक्छन् । यस्तै अव्वल प्रस्तुती विद्यार्थीहरुले विद्यालयको २४ औ वार्षिक उत्सवको अवसरमा देखाइदिए । उनीहरुले एकल नृत्य, सामुहिक नृत्य मात्र देखाएनन । निकै सुरिलो स्वरमा गीत गाए । म्यूजिकको तालमा आवाज दिन सके । उनीहरुको यो कला र प्रस्तुतीले सबैलाई मन्त्रमग्न बनाइदिएको थियो । विद्यार्थीहरुको क्षमता अदम्य छ । यसलाई अव गतिलो मञ्च दिने हो भने उडान भर्न सक्छ भन्ने सन्देश यस विद्यालयका विद्यार्थीहरुले देखाइदिएका छन् ।
प्रमाण ३ : कुशल नाट्य कला
विद्यार्थीहरुको कला एउटैमा मात्रै सिमित हुदैन । कला हरेक विदार्थीको फरक फरक हुन्छ । व्यक्ति पिच्छे फरक हुन्छ । हो यस स्कुलले पनि हरेक विद्यार्थीमा फरक फरक कला र क्षमता छ भनेरनै उनीहरुको दक्षता अनुसार सबैलाई समेटेको देखियो । २४ औ वार्षिक उत्सवमा पर्यावरणमा आएको असन्तुलत, प्रकृतिमाथी मानवीय दोहन र त्यसले पारीरहेको प्रभाव कस्तो भन्नेबारेमा विद्यार्थीहरुले निकै कलात्मक ढंगबाट प्रष्टसग नाटक गरेका थिए । विद्यार्थीको यो कलालाई सबैले प्रंशषा गर्दै नाटक खेल्ने कलाकारहरुको भविष्य त्यस तर्फ समेत बन्न सक्ने भन्दै विद्यार्थीको रुचि अनुसार अभिभावक । विद्यालय समेत लाग्नु पर्ने कुरालाई औलाइरहिएको थियो ।
विद्यार्थीहरुका यस्ता अनेकन प्रस्तुतीले कार्यक्रममा बोलाइएका आगन्तुक अतिथी तथा प्रमुख अतिथीहरुले खुलेर प्रशंषा समेत गरेका थिए । दमक नगरपालिकाकी उप प्रमुख रेगिना भट्टराई प्रसाई, दमक नगर शिक्षा समितीका अध्यक्ष कुवेर भट्टराई, शिवसताक्षीनगरको प्याव्सन अध्यक्ष राम सुहाङ सहितले विद्यालयको प्रगती, विद्यालयका सस्थापक जनार्दन मैनालीको मिहनत र यसले शिक्षा जगतमा पुर्याएको योगदानको खुलेर प्रशंषा गर्नु भएको थियो ।
अझ यहाँको हरेक विद्यार्थीले कक्षा कोठा देखि लिएर अतिरिक्त कृयाकलापबाट समेत हासील गरेको सफलतालाई विद्यालयले गरेको सम्मानको दृष्य अझ प्रेरणादायी थियो । यसबाट विद्यार्थीको हौसाला मात्रै बढाइरहेको थिएन , संघष गर्यो भने सफलता पाइन्छ भन्ने विस्वास पनि बढाइरहेको थियो ।
