दमक/
दमक २ निवासी बस्नेत परिवारले २ विप्पन्न परिवारलाई घर जग्गा प्रदान गरेको छ । स्व. लैन बहादुर बस्नेत तथा कृष्णमाया बस्नेतका कान्छा छोरा स्व. केदार बस्नेतकी श्रीमती गीता देवि बस्नेतको जन्मोत्वसको अवसरमा जग्गा प्रदान गरिएको हो । ७२ वर्षीया बस्नेतले आफ्नो जन्मदिनको अवसरमा विपन्न परिवारलाई जग्गा प्रदान गर्न पाएकोमा खुसी व्यक्त गर्नु भयो । यो भन्दा खुसी चाहि जग्गा प्राप्त गर्ने परिवार भएका छन् ।
दमकमा एक चपरी माटो समेत नभएको बेलामा आफुहरुलाई घर बनाउन सक्ने गरिको जग्गा प्रदान गरेकोमा जग्गा प्राप्त गर्ने ठग बहादुर विस्वकर्मा र टिकाराम दर्जीले बस्नेत परिवार प्रति आभार प्रकट गरेका छन् ।
वर्षौ देखी बस्नेत परिवारको जमिन अधियामा कमाई गरि जिविको पार्जन गरेका परिवारलाई १०/१० धुर जग्गा प्रदान गरिएको गीता बस्नेतका जेठा छोरा रेवत बस्नेतले जानकारी दिनुभयो ।
बुबा केदार बस्नेतको चाहना समेत यी परिवारलाई सुरक्षीत राख्ने रहेको स्मरण गर्दै बस्नेतले भन्नुभयो ‘ बुबाको इच्छा हामीले पुरा गरेका हौ ।’
दुवै परिवारलाई विधिवत रुपमा गीता बस्नेतको नाममा रहेको जग्गा क्रमश टिका बहादुर दर्जी र ठग बहादुर दर्जीको नाममा नामसारी भएको कागजपत्र पनि हस्तान्तरण गरियो ।
वडा नं २ का वडाध्यक्ष प्रजापति सापकोटा, राप्रपा प्रदेश १ का अध्यक्ष राम बहादुर थापा लगायत अन्य विभिन्न सामाजिक अगुवाहरुको उपस्थितीमा जग्गा धनिुपुर्जाको सम्पूणर् कागजपत्र बुधबार औपचारिक कार्यक्रमको आयोजना गरि हस्तान्तरण गरिएको हो ।
कार्यक्रमको प्रमुख अतिथी रहनु भएका वडाध्यक्ष सापकोटाले वडामा रहेका अन्य विप्पन परिवारको पहिचान भइसकेको र भूमिहनहरुलाई जग्गा धनुपुर्जा दिने काम अन्तिम चरणमा पुगेको जानकारी दिनुभयो । साथै नगरपालिकाले विपन्न परिवारलाई खाद्यन्नमा २५ प्रतिशत सहुलियत दिने गरिको व्यवस्था पनि गर्न लागेको उहाँले कार्यक्रम मार्फत जानकारी गराउनु भयो ।
विषेश अतिथी रहनु भएका राप्रपा प्रदेश १ अध्यक्ष थापाले स्व केदार बस्नेत एक कुशल सामाजिक अगुवा रहेको स्मरण गर्नु भयो । स्व बस्नेतको नेतृत्वमा भएका विभिन्न सामाजिक परिवर्तनमा आफु साथ साथै भएको र उहाको सहकार्य अतुलनिय रहेको थापाले बताउनु भयो ।
