काठमाडौं,२२ असार । राष्ट्रिय स्वतन्त्र पार्टी (रास्वपा)का सांसद मधुकुमार चौलागाईंले दुग्ध विकास संस्थान (डीडीसी) भित्र भएको भनिएको अनियमितताको छानबिन प्रतिवेदन सार्वजनिक गर्न तथा दूध किसानको बक्यौता भुक्तानी सुनिश्चित गर्न सरकारसँग माग गर्नु भएको छ।
सोमबार बसेको प्रतिनिधि सभाको बैठकमा बोल्दै उहाँले अर्थ मन्त्रालयले दुग्ध विकास संस्थानभित्र भएको अनियमितताको छानबिन गर्न २०८१ सालमा समिति गठन गरेको र उक्त समितिले मेसिन तथा औजार खरिदमा १ करोड १७ लाख रुपैयाँको अनियमितता भएको निष्कर्षसहित प्रतिवेदन बुझाएको उल्लेख गर्नुभयो।
‘अर्थ मन्त्रालयले दुग्ध विकास संस्थानभित्र भएको अनियमितताको विषयमा छानबिन गर्न २०८१ सालमा समिति गठन गर्यो। समितिले प्रतिवेदन पनि बुझायो। त्यस प्रतिवेदनले मेसिन तथा औजार खरिदमा १ करोड १७ लाख रुपैयाँ घोटाला भएको देखाएको छ। त्यो प्रतिवेदन कुन शोकेसमा छ रु कहिले बाहिर निस्किन्छ रु र दूध किसानले कहिले भुक्तानी पाउँछन् रु’ भन्दै उनले सरकारको ध्यानाकर्षण गराउनु भयो।
त्यसैगरी, उहाँले रोजगारीका लागि भारत गएका काभ्रेको नवबुद्ध गाउँका एक नेपाली युवाको शंकास्पद मृत्युबारे पनि सरकारको ध्यानाकर्षण गराउनु भयो।
‘देशले रोजगारी दिन सकेन। काभ्रे नवबुद्धका एक युवा रोजगारीको खोजीमा भारत पुगे। यही महिनाको १३ गते उनको मृत्यु भयो। घटनालाई शंकास्पद मृत्यु भनिएको छ, परिवारले पनि शंकास्पद भनेको छ। तर सरकार बेखबर छ। घटनाको निष्पक्ष अनुसन्धानका लागि सरकारको ध्यानाकर्षण गराउन चाहन्छु,’ उहाँले भन्नु भयो।
