काठमाडौ , साउन १० | रसुवामा बुधबार बिहान गएको बाढीका विषयमा प्रधानमन्त्री वालेन्द्र शाहले विपद् जोखिम न्यूनीकरण तथा व्यवस्थापन राष्ट्रिय परिषद्को बैठक बोलाउनुभएको छ।
सिंहदरबारस्थित प्रधानमन्त्री तथा मन्त्रिपरिषद्को कार्यालयमा सम्पन्न बैठकमा रसुवामा बाढीबाट हालसम्म भएको क्षतिको विवरणबारे सम्बन्धित निकायले प्रधानमन्त्री शाहलाई ब्रिफिङ गरेका छन्।
बैठकमा बाढीबाट प्रभावित क्षेत्रमा तत्काल उद्धार, खोज तथा राहतलाई प्रभावकारी बनाउने विषयमा छलफल भएको छ। प्रधानमन्त्री शाहले विपद्को अवस्थामा आगामी कदम प्रभावकारी ढंगले अघि बढाउन सम्बन्धित सबै निकायलाई निर्देशन दिनुभएको छ।
उहाँले बाढी प्रभावित नागरिकको उद्धार, खोज तथा राहत कार्यमा आआफ्नो ठाउँबाट सक्रिय रूपमा खटिन सबैलाई आग्रहसमेत गर्नुभएको छ।
प्रधानमन्त्री शाहले विपद्को यस क्षणमा प्रभावित नागरिकको जीवनरक्षा र राहतलाई पहिलो प्राथमिकतामा राखेर आवश्यक समन्वय र परिचालन गर्न सम्बन्धित निकायलाई निर्देशन दिनुभएको बताइएको छ।
