काठमाडौं,१७ कार्तीक । सोलुखुम्बुमा दुई हेलिकप्टर आपसमा ठोक्किँदा घाइते भएका एक जनालाई उद्धार गरी ललितपुरस्थित मेडिसिटी अस्पताल ल्याइएको छ। दुर्घटनामा एक भारतीय पर्यटकको मृत्यु भएको छ।मंगलबार बिहान सोलुखुम्बुको खुम्बु पासाङल्हामु गाउँपालिका–४ स्थित फेरुचेमा फिस्टेल एयर र डाइनास्टिक एयरका दुई हेलिकप्टर अवतरण गर्ने क्रममा आपसमा ठोक्किएका थिए।
जिल्ला प्रहरी कार्यालय सोलुखुम्बुका प्रहरी निरीक्षक मौसम तामाङका अनुसार बिहान ८ बजेर ११ मिनेटमा भएको दुर्घटनामा भारतीय नागरिक वसन्त कुमार बालारामारामाडुको मृत्यु भएको हो।दुर्घटनामा घाइते भएका शैलेश कृष्ण पटेललाई प्रभु हेलिकप्टर मार्फत उद्धार गरी उपचारका लागि ललितपुरस्थित मेडिसिटी अस्पताल पुर्याइएको प्रहरी निरीक्षक तामाङले जानकारी दिनु भयो।प्रहरीका अनुसार घाइते पटेलसँग भारतीय राहदानी भए पनि उहाँ न्युजिल्यान्डका नागरिक हुनुन्छ। उहाँको स्वास्थ्य अवस्थाबारे थप विवरण सार्वजनिक भएको छैन।
दुर्घटनामा मृत्यु भएका भारतीय नागरिकको शव लुक्लास्थित अस्पतालमा ल्याइएको प्रहरीले जनाएको छ।दुर्घटनामा संलग्न दुवै हेलिकप्टरका पाइलट भने सकुशल रहेका छन्। दुर्घटनाका बेला दुवै हेलिकप्टरमा कति यात्रु सवार थिए भन्ने विवरण खुल्न बाँकी छ।हेलिकप्टर अवतरणका क्रममा कसरी आपसमा ठोक्किए भन्ने विषयमा थप विवरण संकलन भइरहेको जिल्ला प्रहरी कार्यालय सोलुखुम्बुले जनाएको छ।
