काठमान्डौ,२० कात्तिक । प्रहरी महानिरीक्षकबाट हटाइएका दानबहादुर कार्कीको रिट शुक्रबार सर्वाेच्च अदालतमा दर्ता भएको छ । आफूलाई गैरकानुनी रूपमा प्रहरी महानिरीक्षकबाट हटाइएको दाबीसहित उनले हिजो बिहीबार सर्वोच्च अदालतमा पेश गरेको रिट निवेदन आज दर्ता भएको सर्वोच्च अदालत प्रशासनले जनाएको छ ।
सुनुवाइको मौका नदिई आधार र कारणविनै गैरकानुनी रूपमा प्रहरी प्रमुखबाट हटाइएको दाबी कार्कीको माग छ । कार्कीको मुद्दा नम्बर ०८२–ध्य–०४९४ रहेको छ ।
हिजो बिहीबार ‘अध्ययनका क्रममा रहेकाले निवेदन दर्ता हुन नसकेको’ बताइएको थियो ।
निवेदन दर्ता भएको भोलिपल्ट सुनुवाइको लागि पेशी तोक्ने चलन हुन्छ । तर, शनिबार र आइतबार सार्वजनिक बिदा तथा त्यसपछि तिहार बिदाका कारण सुनुवाई तत्काल नहुने भएको छ । तिहार बिदापछि सरकारी कार्यालय कात्तिक २७ गतेबाट खुल्ने छ । उहाँको पेशी कात्तिक ३० गतेलाई तोकिएको छ ।
सरकारले कात्तिक १८ गते निवर्तमान प्रहरी महानिरीक्षक कार्कीलाई हटाएर प्रधानमन्त्रीको सुरक्षा सल्लाहकारको जिम्मेवारी दिएको भएपनि उहाँले मन्त्रिपरिषद्को निर्णयको पत्र बुझेका छैनन् । उहाँको ठाउँमा एआईजी डा. मनोजकुमार केसीलाई प्रहरी प्रमुखमा नियुक्त भइसक्नु भएको छ ।
