सर्लाही,२६ कार्तीक । सर्लाहीको सडाहीस्थित सुन्दरपुरका निरस रायका २५ वर्षीय छोरा रामदुलार रायको मकवानपुरको भिमफेदीमा भएको विद्युतीय गाडी (ईभी) दुर्घटनामा परी मृत्यु भएको छ।छठ पर्व मनाउन घर फर्किने क्रममा रामदुलार आफ्ना ३० वर्षीय दाइ देवेन्द्र रायसँगै उक्त ईभी गाडीमा सवार हुनुन्थ्यो। दुर्घटनामा रामदुलारको घटनास्थलमै मृत्यु भएको छ भने उहाँका दाइ देवेन्द्र गम्भीर घाइते हुनु भएको छ। हाल उहाँको उपचार भइरहेको उहाँको पिता निरस रायले जानकारी दिनु भएको छ । यस दुर्घटनाले निरस रायको परिवारमा ठूलो बज्रपात परेको छ।
यसअघि नै जेठो छोरालाई गुमाइसकेको उक्त परिवारले अहिले फेरि अर्को छोरा रामदुलारलाई गुमाउनुपरेको छ। परिवारमा रहेका दुई छोरा मध्ये एकको दुर्घटनामा मृत्यु भएको छ भने अर्का छोरा गम्भीर घाइते अवस्थामा उपचाररत हुनुन्छ।लगातार सन्तान गुमाउनु परेको पीडाले निरस रायको परिवार अहिले गहिरो शोकमा डुबेको छ। छठ पर्व मनाउन घर फर्किने क्रममा भएको यस दुःखद घटनाले सिंगो गाउँ नै स्तब्ध बनेको छ।
