दमक/
प्रदेशका कृषि उद्योग तथा सहकारी मन्त्री भक्ति सिटौलाले प्रदेश सरकारबाट वितरण हुँदै आएका कृषि अनुदान बिचौलियको हातमा पुगेको बताउनु भएको छ ।
पछिल्ला वर्षहरुमा वितरित अनुदान मध्ये ३० देखी ३५ प्रतिशत मात्रै वास्तविक किसानले पाएको र अरु बाँकी विभिन्न बिचौलीया , फर्जि कागज देखाएरै अनुदान लिएको उहाँले बताउनु भयो । यो रोक्न चुनौति रहे पनि आफुले अव निति बनाएर नियन्त्रण गर्ने प्रतिवद्धता पनि जनाउनु भयो ।
शनिबार झापको दमकका यूटर्न इन्टरनेशनलको तेस्रो वार्षिक उत्सवामा बोल्दै उहाँले पछिल्लो समय सहकारीहरुले आफ्ना सदस्यहरुलाई शोषण गरेको पनि उल्लेख गर्नु भयो ।
उचित नियमन गर्न नसकेको स्विकार गर्दै उहाँले भन्नु भयो ‘सानामा भन्दा धेरै ठुला सहकारीमा समस्या देखिन थालेको गुनासो मन्त्रालयमा आएको छ । ’
विराटनगरमा प्रधान कार्यालय रहेको तुलसी सहकारीको उदाहरण दिदै उहाँले भन्नु भयो ‘तुलसीका जस्तै गुनासा अन्य सहकारीको पनि आउन थालेको छ । अव हामी यसको नियमन गर्न कडा रुपमा प्रस्तुत हँदै छौ । केहिलाई त कार्वाहिको प्रकृया पनि सुरुवात गरिसक्यौ ।’
