दमक/
नेकपा एमाले दमक नगर कमिटीको प्रथम अधिवेशनबाट गेहनाथ पोखरेल अध्यक्षमा सर्वसम्मत चयन हुनु भएको छ । मंगलबार सम्पन्न अधिबेशनले अध्यक्षमा पोखरेल सहित उपाध्यक्षमा मेदनी खरेल , सचिवमा इन्द्र गुरुङ सर्वसम्मत चयन हुनु भएको छ ।
यता उप सचिवमा भने २ जनामात्रको सिटमा ४ जनाको मनोनयन परेको छ । शन्तोष दुलाल, सिता कार्की, उर्मीला पाण्डे र यमुना गौतमले मनोनय गराउनु भएको छ ।
योसँगै देशभरका पालिकाहरुको अधिवेशन आज भइरहेको छ ।
बाढि पहिरो प्रभावित क्षेत्रमा भने केहि पर सारिएको नेकपा एमालेले जनाएको छ ।
पार्टीको नयाँ विधानबमोजिम गाउँ/ नगरपालिकामा ७५, उपमहानगरपालिकामा ८५ र महानगरपालिका एक सय एक सदस्यीय कार्यसमिति निर्वाचित हुनेछ।
एमालेले महाधिवेशनमा सहभागी हुने प्रतिनिधिको मापदण्ड तय गर्न सो पार्टीले यही कात्तिक ११ गते स्थायी कमिटी र १२ गते केन्द्रीय कमिटीको बैठक बोलाएको छ।
आगामी मङ्सिर १० देखि १२ गतेसम्म एमालेको दसौँ महाधिवेशन चितवनमा हुनेछ। विसं २०७७ चैत मसान्तसम्म पार्टी सदस्य भएकालाई महाधिवेशन प्रतिनिधि बन्न योग्य बनाइएको छ।
