दमक/
प्रेस चौतारी झापाले एकजना पत्रिका वितरकलाई साईकल वितरण गरेको छ । दमकमा एक दशक बढिदेखी नियमती रुपमा विभिन्न पत्र-पत्रिका वितरण तथा सडक सडकमा हिडेर पत्रिका बिक्रि गर्ने दमक १० निवासी माधव घिमिरे(मेदनी)लाई साईकल वितरण गरिएको हो ।
दमकमा रहेका सक्रिय विभिन्न पत्रकारद्धारा संकलीत रकमबाट घिमिरेलाई साईकल खरिद गरिदिएको प्रेस चौतारी झापाका उपाध्यक्ष मनकुमार गदालाले जानकारी दिनुभयो ।
झापाका बरिष्ठ पत्रकार तथा पुर्व सन्देश दैनिकका प्रधान सम्पादक तथा प्रकाशक गञ्ज दाहालले लामो समयदेखी निकै मिहनत र सघर्ष गरेर घिमिरेले पत्रिका वितरण गर्दै आएको उल्लेख गर्नुभयो ।
घिमिरेको कामलाई थप सहज होस भन्न साईकल वितरण गरिएको दाहालले बताउनु भयो ।
प्रेस चौतारी झापाले आगामी दिनमा प्रेसजन्य क्षेत्रमा सकृय भएर लागी परेर काम गर्नेहरुलाई सम्मान र हौसाला बढाउन अन्य कार्यक्रमहरु पनि निरन्तर गर्ने अध्यक्ष टिकाराम उप्रेतीले जानकारी दिनुभयो ।
