इलामको सोयाकमा निर्माण गरिएको करोडौंको खानेपानी आयोजना अहिले अलपत्र अवस्थामा छ । अध्ययन बिनै सस्तो लोकप्रियताका लागि गरिने यस्ता कार्यले जनता आजीत भएका छन् ।
निकै तामझामका साथ उद्घाटन गरिएको इलामको इलाम नगरपालिका बडा नं ११ सोयाकमा सोयाक खानेपानी आयोजनाबाट स्थानियले ठुलो आशा गरेका थिए । उद्घाटको क्रममा नगरप्रमुख महेश बस्नेतले पानीको समस्या दिर्घकालीन रुपमा समाधान गरेको बताउनुभएको थियो ।
नगरप्रमुख महेश बस्नेतले यति भनिसक्दा नसक्दा उपस्थित स्थानिय हर्सले गदगद मात्र भएका थिएन्न गाँउ नै गुन्जने गरि ताली पिटेका थिए । तर त्यो उत्साह धेरै टिकेन । ३ महिना नवित्तै स्थानियबासी एकाएक निराश बन्न पुगे डिप बोरिङ मार्फत निकालिएको पानी उनीहरुले राम्ररी पिउन समेत पाएनन् । अहिले डिप बोरिङले कामै गर्न छाडेपछि हरेक घरमा जडान गरिएका धारा सुख्खा छन् । खानेपानीको जोहो गर्न स्थानियलाई निकै सास्ती मात्र भएको छैन त्यहाँका अधिकाशं नागरीकले खानेपानीकै सम्स्याका कारण बसाईसर्ने मनस्थिति बनाइसकेमा छन् ।
पहाडको डाँडामा रहेको यो गाउँ सुख्खा ग्रस्त क्षेत्र हो । खानेपानीको चरम अभाव भएपछि धेरै गाउँले यो क्षेत्रबाट विस्थापित भए । बसाईसराई रोक्न भन्दै नगरपालिकाले डिप बोरिङ मार्फत करिब दुई सय घरधुरीलाई खानेपानीको योजना बनायो । जसका लागी नगरले करिब अढाई करोड खर्च गर्यो । यति ठुलो रकम खर्चिदा समेत खानेपानी नपाएपछि स्थानिय समस्यामा रहेका छन् ।
सडकको कुनामा गाडिएको डिप बोरिङका मेशिन कुन अबस्थामा छ यसै भन्न सकिने अबस्था छैन । स्थानियका अनुसार प्राविधिक सर्बे अनुसार डिप बोरिङ नगरिएको बताउँछन् । डिप बोरिङ असफल भएपछि नजिकैकोे खोल्सीबाट लिफ्टीङ गरेर केही घरपरिवारलाई पानी वितरण गरिएको छ । तर उक्त पानी पनि समयमा स्थानियले पाउँदैनन् । पानीको मुहानमा घेराबारा नहुँदा उनीहरु दुषित पानी पिउन बाध्य छन् । संघिय सरकारबाट अनुदान मार्फत दुई करोड २४ लाख र बाँकी इलाम नगरपालिका साथै उपभोक्ता समिति मार्फत गरी जम्मा दुई करोड ४७ लाख रुपैयाँको लागतमा यो खानेपानी आयोजना आर्थिक बर्ष २०७६/७७ मा निर्माण सम्पन्न गरिएको थियो ।
