दमक/
नेकपा एमालेको गत कार्तिक ६ र ९ गते भएको क्रमश वडा र नगर को अधिवेसनमा देखिएको विवाद २ महिना पछि टुङ्गीएको छ । कार्तिक ६ गते भएको वडा अधिबेसनमा वडा नं ५ को अध्यक्षमा ४ जना आकाक्षीहरु हुनुहुन्थ्यो । त्यसैले बेला २ जनाले सहमतीमा जाने भनेर आफ्नो आकक्षा फिर्ता लिनु भएको थियो । त्यसपछि बाँकी रहेका सिताराम खतिवडा र राजेन्द्र ढकालले विचमा कस्लाई अध्यक्ष बनाउने भन्ने विवाद कायमै थियो । यसै सन्दर्भमा आज नगरको कमिटिले त्यो विवादलाई हल गरेको छ ।
वडा नं ५ को अध्यक्ष मण्डलका सदस्य सुर्य नेपालका अनुसार पार्टिको वडा नं ५ को नेतृत्व गर्ने जिम्मेवारी राजेन्द्र ढकाललाई तोकिएको छ । अर्का आकाक्षी खतिवडालाई अहिले अध्यक्ष रहेको जेष्ठ नागरिक प्रतिष्ठानको अध्यक्षमै निरन्तर्ता गराउनेमा सहमती भएको छ । यस्तै वडा नं ५ को सचिव पदमा पनि विवाद थियो । यो पदको जिम्मेवारी किरण उप्रेतीलाई तोकिएको छ । यस्तै उप सचिवमा दुर्गा भट्टराई र ललित गिरीलाई तोकिएको छ । यो सँगै नेकपा एमाले वडा नं ५ को कमिटले पूणर्ता भएको छ ।
यस्तै नगर कमिटिको उपाध्यक्ष पदको विवाद पनि सोमबार नै टुङ्गो लोगेको छ । अध्यक्ष मण्डलका सदस्य अम्विका खनालले दिएको जानकारी अनुसार दमक नगर कमिटिको उपाध्यक्षको जिम्मेवारी दिपेश दाहाललाई दिइएको छ । यो सँगै दमकमा देखिएको पदाधिकारी विवादको समस्या हाल भएको छ ।
