सुनसरी
कोशीटप्पुले फेरि मकुनाको चिनो अर्थात छावा रामसागर गजलाई गुमाएको छ । गत मंसिर ११ गते जन्मेको छावाको मृत्युु भएको छ । गत असोज १७ मा कोशीटप्पुको हिरो भनेर चिनिएको मकुनाको ज्यान विद्युतीय धरापमा परेर गएको थियो। त्यही मकुनाको गत मंसिर ११ मा छावा जन्मिएको थियो।
आरक्षको सरकारी ढोई पोथी हात्ती शोभाकलीको गर्भबाट जन्मिएको रामसागर गजको २३ दिन पछि मृत्यु भएको हो। हात्तीसारनजिकै लडेर आइतबार मृत्यु भएको रामसागर गज जन्मदा शोभाकलीले केही समय कुल्चिएको एनटिएनसीका वीरेन्द्र गौतमले बताए। उनका अनुसार त्यही कारण उसमा समस्या आएको थियो।
