दमक/
झापाको पूर्व पश्चिम राजमर्गमा पर्ने रतुवा नदिमा रहेको पुल अहिले धमाधम मर्मत भइरहेको छ । जसले गर्दा यहाँ एक तर्फि मात्रै आवागमन बनाइएको छ । पश्चिमबाट पूर्व जानेहरुहरुकालागि खोला भित्रबाट डाईभर्सन बनाइएको छ । डाईभर्सन पनि उती सुरक्षीत नभएका कारण केहि समय अघी एउटा ट्रिपर पल्टेको पनि थियो ।
यद्यपी पुल मर्मतको काम धमाधम चलिरहेको छ । यात्रुहरुले सास्ती खेपेरै जोखिम मोलेरै भएपनि डाईभर्सनबाटै यात्रा गरिरहेका छन् ।
तर यो पुल मर्मत गर्नकालागि भने लगाइएको ठेक्काको काम भने चित्त बुझ्दो नभएको गुनासो बढ्न थालेको छ । खासगरी यहाँ प्रयोग गरिने निर्माण सामाग्री मध्ये फलामे रड कम गुणस्तरको प्रयोग गर्ने गरिएको यही पुलबाट हिडने हरुले भेटेको बताएका छन् ।
ती रडहरु बाँङ्गीएका , खिया लागेका र कम गुणस्तरीयको प्रयोग गरिएको भन्ने जनगुनासो र्आपछि हामी यस बारेमा बुझ्न सडक डिभिजन कार्यालयमा पुग्यौ ।
कार्यालयले यो काम गर्नकालागि भनेर मोरङको बिराटनगरमा रहेको जोशीला निर्माण सेवालाई ठेक्काको जिम्मेवारी दिएको रहेछ । ठेकेदारले २ करोड ९७ हजार रुपैँयामा यो पुलको मर्मत गर्ने सम्झौता गरेको पत्रमा उल्लेख छ । पुल मर्मतको मापदण्ड र यसको कामको स्थितीका बारेमा सडक भिडिजन कार्यालयका इञ्जिनियर सुधिर झासँग हामीले उहाँको कार्यालयमै गएर प्रश्न गरेका छौ ।
पुलको स्पाम, सवबेस तथा स्पाम जोईनहरु जीणर् भएकाले यसको मर्मत गर्न ठेक्का लगाइएको कार्यालयले जनाएको छ । २०८० कार्तिक १२ गते काम सुरु गर्ने सम्झौता गरेको यो पुल मर्मतको काम आगामी वर्षको असार २० गते सम्ममा सकिसक्ने गरि सम्झौता गरेको छ ।
भिडियो हेरौ
