दमक/
नेपाल र भारतको सिमाना जोडीएको झापाको गौरीगञ्ज गाउँपालिकामा मेचि आखा अस्पतालले आफ्नो २४ घण्टे स्वास्थ्य सेवा तथा आखा उपचार सेवा सुरु गरेको छ ।
गाउँपालिकाको आधारभूत अस्पताल खजुरगाछीमा यसको औपचारीक उद्धघाटन भएपछि सिमावर्ती तथा दक्षिण तर्फका सेवा ग्राहीकालागि सहज हुने भएको छ ।
अस्पतालमा प्रशाषन प्रमुख आलोक श्रेष्ठका अनुसार यो सेवामा सेवा लिन आउनेहरुले आँखाको स्वास्थ्य परिक्षण मात्रै गराएनन् । सल्यकृया गर्नु पर्नेहरुले त्यो समेत निशुल्क सेवा पाएका छन् । आवश्यक पर्नेहरुलाई चस्मा समेत निशुल्क वितरण गरिएको छ ।
केहि समय देखीनै यही ओपीडीको सेवा समेत सुरु गरिने जनाइएको छ । यहाँ आँखाका सबै रोगको उपचार गरिनुका साथै कुनै ठुलो समस्या भएमा बिर्तामोडमा रहेको मुख्य अस्पतालमा पठाइने छ । अस्पतालका अध्यक्ष जलकुमार गुरुङका अनुसार यहाँ अव २४ सै घण्टा आँखाका सबै खाले उपचार हुने छ । शहरबाट केहि टाढा रहेका बासिन्दाहरुलाई यो उपचार सेवा केन्द्रले प्रत्यक्ष लाभ पुग्न सक्ने विस्वास गुरुङको छ ।
यो अस्पतालले झापाका बिभिन्न स्थान सहित झापा बाहिर समेत गरी १५ स्थानमा आफ्नो उपचार केन्द्र स्थापना गरि सकेको छ । खासगरी ग्रामीण क्षेत्रमा यसले आफ्नो उपचा केन्द्र विस्तार गर्ने क्रम बढाइरहेको बताइएको छ ।
भिडियोमा हेरौ
