Search
Close this search box.

 

दमक/

दमक महोत्सव । जहा स्थनिय उत्पादनलाई प्रर्वधन गर्न भन्दै विभिन्न स्टल राखीएको छ । तर मेलाको ठेकेदारले ठेक्का भाडामा लगाएका खाद्यन्न सामाग्री बेच्ने स्टलहरुमा मानविय स्वास्थ्यमा असर पार्ने अखाद्य बस्तु मिसाएर बेचिरहेको भेटियो ।

यहाँ बेच्न भनेर राखीएको हरियो मटरमा मानव स्वास्थ्यमा हानी गर्ने केमिकल र रङ्ग मिसाएपछि अनुगमनमा पुगेको टोलीले जफत पनि गरिदियो । साथै महोत्सवमा अन्य खाद्य पसलहरुमा कैफियत भेटियो । कतिपय घरेलु खाद्य उत्पादन पनि महोत्सवमा बेच्न भनेर राखीएको थियो । तर ती सामाग्रीमा समेत उत्पादन मिति र त्यसको उपभोग गर्ने अन्तिम मिती टासीएको भेटिएन भने बिना दर्ता खाद्य सामाग्री उत्पादन गरिएका थीए । यसले मानव स्वास्थ्यमा असर पार्यो भने त्यसको जवाफ देहिको पहिचान समेत हुन नसक्ने भन्दै सतर्कता गराइएको थियो ।

दमक नगरपालिकाकी उप प्रमुख रेगिना भट्टराई प्रसाईको नेतृत्वमा निस्कको अनुगमन टोलीले अर्को एउटा पनि कैफियत भेट्योे। त्यो थियो नेपाल सरकारलेनै बेच्न प्रतिबन्ध लगाइएको बस्तु । कटन क्याण्डी । मानवीय अस्वथ्य सामाग्रीको मिसावट गरी बालबालिकाको स्वास्थ्यमा गम्भिर समस्या देखाउने भएपछि त्यसको बिक्रि वितरणकालागि नगरपालिका समेतले पूर्ण प्रतिबन्ध लगाएको छ । तर यही नगरपालिकाको संरक्षणमा लागीरहेको दमक महोत्सवमा खुल्लाम खुल्ला बिक्रि भइरहेको थियो । महोत्सव स्थल छेउमै यसको उत्पादन गर्ने मेसिन राखेर प्याकेजीङ गरिरहेको ठाउँमा दमक नगरपालिकाको अनुगमन टोली पुग्यो र त्यसको जफत गर्यो ।

खास गरी खाद्य सामाग्रीमा अखाद्य बस्तुको मिसावट गरेर बिक्रि गर्नेहरु बढेपछि त्यसको नियन्त्रण गर्न दमक नगरपालिकाको अनुगमन समिती अग्रसर भएर लागी परेको छ । यहि क्रममा दमक ७ मा रहेको सिदार्थ बोर्डीङको क्यानिटनमा समेत के पाक्छ र कसरी पाक्छ भनेर छड्को अनुगमन गर्यो । यहाँको क्याण्टिनमा समेत कैफियत भेटिएको अनुगमन समितीले जनाएको छ ।

यसपछि अर्को विद्यालयमा पनि यो टोली पुग्यो । खास गरेर सरस्वती पुजाको पूर्वसन्ध्यामा गरिएको यो अनुगमनले प्रसादकालागी भनेर विद्यालयमै पकाइने बुनियाहरु कसरी पकाइन्छ ? भन्नेबारेमा पनि निरिक्षण गरेको थियो । यहि क्रममा दमक ६ मा रहेको ग्लोवल एजुकेशन एकेडेमीमा समेत टोली पुगेको थियो । यहाँ क्याटिनको भित्तामा रङ्ग लगाउने लगाययत बारेमा सुझाव दिएर अनुगमन टोली फर्कियो ।

यहाँबाट फर्केपछि दमक ८ स्थित पूर्व पश्चिम राजमार्गको छेउमै रहेको यावा रेष्टुरेण्ट एण्ड सेकुवा कर्नमा पुग्यो । यहाँ बाटाको छेउमै मासु पोलेको, कुखुराको खोर राखेको तथा यहाँ मम उत्पादन गरेर बाहिर समेत बिक्रिका लागी पठाइदा त्यसमा कुनैपनि लेवलीङ नगरिएको लगायत कैफियत भेटिएको थियो ।

यसपछि यही ट्याक्सी स्टेण्डमा रहेका केहि माछा पसलहरुको पनि अनुगमन भयो । सो अनुगमनमा यहाँ प्रतिबन्धीत माछा ल्याएर बेचेको तथा बिना दर्ता लामो समय देखी माछा बिक्रि विरतण गरिरहेको लगायत कैफियत भेटिएको थियो । साथै खुल्लाम खुल्ला बाटोको किनारमा माछा काटेर बेच्दा त्यसबाट निस्कने फोहोर पानी सडककै किनारमा जम्मा गराउदा थप दुर्घध्न समेत भेटिएको थियो ।

Share:

Facebook
Twitter
Email
WhatsApp